सामग्री पर जैथिन

अङ्कोरवाट

विकिपीडिया से
मुख्य परिसरके सामनेके भाग

अङ्कोरबाट (अङ्कोर् वाट्; ख्मेर्: អង្គរវត្ត) कम्बोडियामे एगो मन्दिर परिसर आउ बिश्वके सबसे बड़का धार्मिक स्मारक हे, १६२.६ हेक्टेयर (१,६२६,००० वर्गमीटर; ४०२ एकड़) के नापेवाला एगो स्थलपर । ई एगो हिन्दु मन्दिर हे। ई कम्बोडियाके अङ्कोरमे हे जेकर पुराननाम 'जशोधरपुर' (यशोधरपुर) हे । एकर निर्माण सम्राट सूर्यबर्मन द्वितीय (१११२-५३ ई॰) के शासनकालमे होएल हल । मीकाङ्ग नदी के किनारे सिमरिप नगरमे बनल ई मन्दिर आझो संसारके सबसे बड़का मन्दिर हे जे सैकड़ो वर्गमील मे फैलल हे । राष्ट्रलागि सम्मानके प्रतीक ई मन्दिर कम्बोडियाके राष्ट्रध्वजोमे स्थान देल गेल हे । ई मन्दिर मेरुपर्बतोके प्रतीक हे । एकर भित्तिपर भारतीय हिन्दुधरम ग्रन्थके प्रसङ्गके चित्रण हे । ईसब प्रसङ्गमे अप्सरा बड्डसुन्दर चित्रित करल गेल हे, असुर आउ देवताके बीचे समुद्र मन्थनके दृश्यो देखावल गेल हे । बिश्वके सबसे लोकप्रिय पर्यटन स्थानमे से एगो होवेके साथहीँ ई मन्दिर यूनेस्कोके विश्व धरोहर स्थलमे से एगो हे । पर्यटक इहाँ खाली वास्तुशास्त्रके अनुपम सौन्दर्य देखहीँ न आवहथ बल्कि इहाँके सूर्योदय आउ सूर्यास्त देखहूँ आवहथ । सनातनी लोग एकरा पवित्र तीर्थस्थान मानहथ ।