अण्डोरा

अण्डोरा, अधिकारिक रूपसे अण्डोराके प्रिन्सिपालिटी, के अण्डोरा घाटीके प्रिन्सिपालिटी के नामोसे जानल जा हे । ई दक्षिणपश्चिम यूरोपके घेराएल एक सूक्ष्म राज्य हे, जे पूर्वी पायरेनीस पर्वत पर स्थित हे आउ स्पेन आउ फ्रान्सके बार्डरो एकरासे जुड़ल हे । एकर निर्माण ९८८ चार्टरमे कैल गेलै हल आउ वर्तमान प्रिन्सिपालिटीके रचना १२७८ मे कैल गेलै । अण्डोरा यूरोपके एक देश हे जे पाइरेनी पर्वतके दक्षिणी चोटीमे स्थित हे आउ फ्रान्स द्वारा उत्तर आउ पूर्वमे आउ स्पेन द्वारा दक्षिण आउ पश्चिम तक घेराएल हे । ई यूरोपके सबसे छोट राज्यमे से एक हे । एकर राजधानी अण्डोरा ला वेला हे । अण्डोरा देश यूरोपके छठा सबसे छोट देश हे आउ दुनियाके १६मा सबसे छोट देश हे जेकर क्षेत्रफल ४६८ वर्ग किलोमीटर आउ जनसङ्ख्या लगभग ७८,००० हे । एकर राजधानी अण्डोरा ला वेल्ला यूरोपके सबसे ऊँचा राजधानी हे जे समुद्री सतहसे लगभग १,०२३ मीटर (२,३५६ फीट) ऊँचा हे । अण्डोराके अधिकारिक भाषा कातालन हे । एकरे साथे-साथे एहाँ स्पेनी, पुर्तगाली आउ फ्रान्सीसी भाषोके प्रयोग कैल जा हे ।

एहाँ त कौनो विमानस्थल नै हे किन्तु एकरा पास तीन निजी हेलीपैड हे । ई देशसे १२ किलोमीटर दूर एकर सबसे भिरु विमानस्थल हे । अण्डोरा टूरिज्म सर्विसके अनुसार हर साल लगभग १.०२ करोड़ प्रवासी अण्डोरा देखेला आव हथिन । ई देश यूरोपीय सङ्घके सदस्य त नै हे किन्तु एकर अधिकारिक मुद्रा यूरोए हे । १९९३ से अण्डोरा संयुक्तराष्ट्रके सदस्य हे । दी लान्सेटके अनुसार २०१३ मे अण्डोराके लोगके जीवन प्रत्याशा ८१ वर्ष हलै जे अखनि तकके तुलनामे सबसे जादे हे ।

नाम

अण्डोराके अधिकारिक रूपसे अण्डोराके प्रिन्सिपालिटी वा अण्डोरा घाटी प्रिन्सिपालिटीके नामोसे जानल जा हे । एक सिद्धान्तके अनुसार अण्डोरा शब्दके उत्पत्ति अरबिक अल-दुर्रा से भेलै हे जेकर अर्थ 'मोती' से हे ।