सामग्री पर जैथिन

अश्वत्थामा

विकिपीडिया से
अश्वत्थामा
महाभारत पात्र
अश्वत्थामा
अश्वत्थामा नारायणस्त्रके प्रयोग करैत
अन्यनामद्रोणपुत्र, कृपि नन्दन, मणिधर, दुर्योधनसखा
कहानीमे जानकारी
परिवारद्रोणाचार्य (पिता) आउ कृपी माता

अश्वत्थामा प्राचीन हिन्दु महाकाव्य महाभारतके एक पात्र हे । ऊ द्रोणके पुत्र हे जे कुरु राजकुमार पाण्डव आउ कौरवके राजगुरु हलन । अश्वत्थामा कौरवके नेता दुर्योधनके घनिष्ठ साथी हे आउ अपन पिताके संरक्षणमे कुरु राजकुमारके साथ सैन्य प्रशिक्षण प्राप्त करहे ।

महाभारत युद्धसे पहिले गुरु द्रोणाचार्य अनेक स्थानमे भ्रमण करैत हिमालय (ऋषिकेश) पहुँचलन । ओहाँ तमसा नदीके तट पर एक दिव्य गुफामे तपेश्वर नामक स्वयंभू शिवलिङ्ग है । एहाँ गुरु द्रोणाचार्य आउ उनकर पत्नी माता कृपि शिवके तपस्या कैलन । इनकर तपस्यासे प्रसन्न होके भगवान शिव इनका पुत्र प्राप्तिके वरदान देलन । कुछ समय पश्चात् माता कृपि एक सुन्दर तेजश्वी बालकके जनम देलन । जन्म ग्रहण करतहीँ इनकर कण्ठसे हिनहिनाएके ध्वनि होलै जेकरासे इनकर नाम अश्वत्थामा पड़लै । जन्मेसे अश्वत्थामाके मस्तकमे एक अमूल्य मणि विद्यमान हलै जे कि उनका दैत्य, दानव, शस्त्र, व्याधि, देवता, नाग आदिसे निर्भय रखऽ हलै । ऊ मणि अश्वत्थामाके बुढ़ापा, भूख, प्यास आउ थकानोसे बचावऽ हलै । भगवान शिवसे प्राप्त ऊ शक्तिशाली दिव्य मणि अश्वत्थामाके लगभग अजेय आउ अमर बना देलकै हल ।