आवृत्ति मॉड्यूलेशन

आवृत्ति मॉडुलन (फ्रिक्वेन्सी मॉड्यूलेशन), मॉडुलनके एक प्रकार हे जन्ने मॉड्यूलेटिङ्ग सङ्केतके आयाम अनुसारके वाहकके तात्क्षणिक आवृत्ति बदलल जा हे आउ ई वाहकके आयाम अपरिवर्ती बनल रहहे । एकर प्रयोग अनेक स्थान पर होवहे जैसे- दूरसञ्चार, रेडियो प्रसारण, सङ्केत प्रसंस्करण आउ सङ्गणन (कम्युटिङ्ग) मे । आवृत्ति मॉडुलित सङ्केत प्र रव (noise) के प्रभाव कम पड़हे । दोसर शब्दमे कही त डिमॉडुलनके पश्चात् जे मूलसङ्केत प्राप्त कैल जा हे ओकरामे रवके प्रभाव नगण्य रह जा हे ।

सिद्धान्त

मानी जे सङ्केतके प्रसारित करेला हे (अर्थात् बेसबैण्ड सङ्केत) ऊ $x_{m}(t)$ हे आउ साइन-आकारी वाहक सङ्केत $x_{c}(t)=A_{c}\cos(2\pi f_{c}t)\,$ हे, जन्ने f_c वाहकके आधार (बेस) आवृत्ति हे आउ A_c वाहकके आयाम हे । मॉडुलक (modulator) ई दुनो सङ्केतके मिलाके एगो नया सङ्केत बनावहे जेकरा 'आवृत्ति मॉडुलित' सङ्केत कहल जा हे ।

{\begin{aligned}y(t)&=A_{c}\cos \left(2\pi \int _{0}^{t}f(\tau )d\tau \right)\\&=A_{c}\cos \left(2\pi \int _{0}^{t}\left[f_{c}+f_{\Delta }x_{m}(\tau )\right]d\tau \right)\\&=A_{c}\cos \left(2\pi f_{c}t+2\pi f_{\Delta }\int _{0}^{t}x_{m}(\tau )d\tau \right)\\\end{aligned}}

जन्ने $f_{\Delta }=K_{f}A_{m}$ , $K_{f}$ आवृत्ति मॉडुलकके सुग्राहिता (sensitivity) हे आउ $A_{m}$ मॉडुलक सङ्केत (या बेसबैण्ड सङ्केत) के आयाम हे ।

ई समीकरणमे $f(\tau )\,$ आसिलेटरके तात्क्षणिक आवृत्ति हे आउ $f_{\Delta }\,$ आवृत्ति विचलन हे, जे बतावहे कि f_c से एक दिशामे अधिकसे अधिक केत्ता परिवर्तन हो सकहे, ई मानैत कि x_m(t) के मान ±1 के सीमामे रहहे ।

आवृत्ति मॉडुलित सङ्केतके अधिकांश ऊर्जा f_c ± f_Δ मे निहित होवहे । फुर्रे विश्लेषण (Fourier analysis) द्वार ई दर्शाया जा सकहे कि कौनो FM सङ्केतके निरूपित करेला अपेक्षाकृत एकरासे अधिक आवृत्ति आवश्यक होवहे ।

इहो देखी

मॉडुलन

सन्दर्भ