इलोन मस्क

इलोन मस्क
२०२५ मे मस्क
सरकारी दक्षता लागि राष्ट्रपतिके वरिष्ठ सलाहकार
राष्ट्रपति	डोनाल्ड ट्रम्प
जनम	28 जून 1971 (1971-06-28) प्रिटोरिया, दक्षिण अफ्रिका
जनमके नाम	इलोन रीव मस्क
नागरिकता	दक्षिण अफ्रिका (१९७१ से) कनाडा (१९७१ से) संयुक्तराज्य (२००२ से)
राजनैतिक दल	निर्दलीय
जीवनसङ्गी	जस्टिन विल्सन (बि॰ 2000; बि॰बि॰ 2008) तलुला रिले (बि॰ 2010; बि॰बि॰ 2012) (बि॰ 2013; बि॰बि॰ 2016)
लैकन	१४, विवियन विल्सन सहित
व्यवसाय	टेस्लाके सिइओ आउ उत्पाद आर्किटेक्ट । स्पेसएक्सके संस्थापक, सिइओ आउ मुख्य अभियन्ता । एक्सएआइ के संस्थापक एवम् सिइओ । एक्स कोर्प के संस्थापक एवम् सिटिओ । न्सुरालिङ्क, द बोरिङ्ग कम्पनी, ओपेनएआइ, जिप२, एक्स.काम आउ पेपल के सह-संस्थापक । मस्क फाउण्डेशनके अध्यक्ष ।
पुरस्कार/सम्मान	पूर्ण सूची
हस्ताच्छर

इलोन रीव मस्क (जन्म २८ जून १९७१) एगो व्यवसायी आउ पूर्व सार्वजनिक अधिकारी हथिन जे टेस्ला आउ स्पेसएक्स के सिइओ आउ सबसे बड़ अंशधारक हथिन । मस्क २०२५ से विश्वके सबसे अमीर व्यक्ति हथिन आउ संक्षिप्त रूपसे जून २०२६ मे एकमात्र खरबपति (युएस डालरके सन्दर्भमे) बनलन; १४ अगस्त २०२६ तक फोर्ब्स उनकर शुद्ध सम्पत्तिके अमेरिकी $ ८६४ बिलियनके अनुमान लगैलकै ।

प्रीटोरिया, दक्षिण अफ्रिकामे धनी मस्क परिवारमे पैदा भेल मस्क १९८९ मे कनाडामे पलायन करलन । उनका भिजुन कनाडीय नागरिकता अपन मायके जनमके बादेसे हे । १९९७ मे पेन्सिल्वेनिया विश्वविद्यालयसे स्नातकके डिग्री प्राप्त कैलन जेकरा बाद केलिफोर्नियामे व्यवसायके अनुसरण करेला गमन करलन । १९९५ मे मस्क एगो जाल साफ्टवेयर कम्पनी जिप२ के सहसंस्थापक रूपे स्थापित करलन । १९९९ मे एकर बिक्रीके बाद ऊ एक्स.काम के सहसंस्थापक रहलन जे एगो ई-कामर्स भुगतान प्रणाली हलै जे मार्च २००० मे कानफिनिटी जोरे गठबन्धन करके पेपल के गठन करलकै जे २००२ मे ईबे द्वारा अधिग्रहित कर लेल गेलै । मस्क २००२ मे अमेरिकी नागरिको बन गेलन ।

२००२ मे मस्क अन्तरिक्ष प्रौद्योगिकी कम्पनी स्पेसएक्स के सिइओ आउ मुख्य अभियन्ता बन गेलन । कम्पनी तहियासे पुनः प्रयोज्य राकेट आउ वाणिज्यिक अन्तरिक्ष उड़ानमे नवाचारके नेतृत्व करलकै । मस्क २००४ मे एक प्रारम्भिक निवेशकके रूपमे टेस्ला मे सम्मिलिति हो गेलन आउ २००८ मे एकर सिइओ आउ उत्पाद वास्तुकार बन गेलन । तहियासे ई इलेक्ट्रिक वाहनमे एगो अग्रणी बन गेलै । २०१५ मे मस्क कृत्रिम बुद्धिमत्ता (एआइ) अनुसन्धानके आगे बढ़ावेला ओपेनएआइ के सहसंस्थापक बनलन किन्तु बादमे छोड़ देलन । २०२० के दशकमे एआइ उछालमे सङ्गठनके दिशा आउ नेतृत्वसे उनकर बढ़ैत असन्तोष उकका एक्सएआइ के स्थापना करेला प्रेरित करकै जे २०२६ मे स्पेसएक्स के सहायक कम्पनी बन गेलै । २०२२ मे ऊ सामाजिक नेटवर्क सेवा ट्विटर के अधिग्रहण करलन आउ २०२४ मे एक्स के रूपमे एकर रिब्राण्डिङ्ग सहित महत्वपूर्ण परिवर्तन करलन । उनकर अन्य व्यवसायमे न्यूरालिङ्क, एगो न्यूरोटेक्नोलाजी कम्पनी सम्मिलित हे जे ऊ २०२६ मे सहसंस्थापित करलन, आउ बोरिङ्ग कम्पनी, एक सुरङ्ग कम्पनी जे ऊ २०१७ मे स्थापित करलन । नवम्बर २०२५ मे टेस्ला मस्क लागि $1 ट्रिलियनके वेतन पैकेजके मञ्जूरी दलकै जेकरा ऊ १० बरिसमे प्राप्त करेवाला हथिन यदि कुछ मीलके पत्थर पूरा हो जैतै, जैसेकि $८.५ ट्रिलियन बजार पूञ्जीकरणके प्राप्त करला । जून २०२६ मे स्पेसएक्स के प्रारम्भिक सार्वजनिक पेशकश पर मस्क पहिला अमेरिकी डालरके खरबदार बन गेलन । हालाँकि स्पेसएक्स शेयरके पतन उनका अगला माह तक ओला सीमाके नीचे ले लैलकै ।

मस्क २०२४ के अमेरिकी राष्ट्रपति चुनावमे सबसे बड़ दानकर्त्ता रहलन जने ऊ डोनाल्ड ट्रम्पके समर्थन करलन । जनवरी २०२५ मे ट्रम्पके उद्घाटन करेके बाद मस्क राष्ट्रपतिके वरिष्ठ सलाहकार आउ सरकार दक्षता विभाग (डिओजिइ) के वास्तविक प्रमुख रहलन । कुछ समय बाद उनका ट्रम्प जोरे सार्वजनिक झगड़ा होलाके बाद मस्क मई २०२५ मे ट्रम्प प्रशासन छोड़ देलखिन आउ अपन कम्पनीके प्रबन्धनमे लौट गेलखिन ।

मस्क वैश्विक कट्टर दक्षिणपन्थी राजनीति, लोग आउ राजनैतिक दलके समर्थक हथिन । उनकर राजनैतिक गतिविधि, बयान आउ विचार उनका एगो ध्रुवीकरणकारी व्यक्ति बना देलकै । ऊ कोविड-१९ के बारेमे गलत सूचना फैलावे, साजिश सिद्धान्तके बढ़ावा देवे आउ यहूदी विरोधी, श्वेत राष्ट्रवादी, नस्लवादी आउ ट्रान्सफोबिक टिप्पणीके पुष्टि करे सहित अवैज्ञानिक आउ भ्रामक बयानला आलोचना लागि जिम्मेदार रहलन । उनकर ट्विटर अधिग्रहण विवादास्पद हलै काहेकि सेन्सरशिप के कम करेके उनकर वचनके बाद सेवा पर घृणाके भाषण आउ गलत सूचनामे वृद्धि होलै । द्वितीय ट्रम्प प्रशासनमे उनकर भूमिका सार्वजनिक प्रतिक्रियाके आकर्षित करकै, विशेष रूपसे डाज आउ अमेरिकी अन्तर्राष्ट्रिय विकास एजेन्सी (युएसएआइडि) के कटौतीके प्रतिक्रियामे ।