केवल ज्ञान

| जैनधर्म |
|---|
|
प्रार्थना |
|
मुख्य व्यक्तित्व |
|
|
जैन दर्शनके अनुसार केवल विशुद्धतम ज्ञानके कहल जा है । ई ज्ञानके चार प्रतिबन्धक कर्म होव है - मोहनीय, ज्ञानावरण, दर्शनवरण आउ अन्तराय । ई चारो कर्मके क्षय होवेसे केवलज्ञानके उदय होव है । ई सब कर्ममे सर्वप्रथम मोहकरके, तदनन्तर इतर तीनो कर्मके एके साथे क्षय होव है । केवलज्ञानके विषय है - सर्वद्रव्य आउ सर्वपर्याय (सर्वद्रव्य पर्यायेषु केवलस्य-तत्वार्थसूत्र, १.३०) । एकर तात्पर्य ई है कि ऐसन कोनो वस्तु न, ऐसा कोनो पर्याय न जेकरासे केवलज्ञानसे सम्पन्न व्यक्ति न जानै । फलतः आत्माके ज्ञानशक्तिके पूर्णतम विकास या आविर्भाव केवलज्ञानमे लक्षित होव है । ई पूर्णताके सूचक ज्ञान है । एकर उदय होइतहीँ अपूर्णतासे युक्त, मति, श्रुत आदि ज्ञान सर्वदाला नष्ट हो जा है । ऊ पूर्णताके स्थितिमे ई अकेले स्थित रह है आउ एहीसे एकर ई विशेष अभिधान है ।
जैन दर्शनके अनुसार जीव १३मष गुणस्थानमे केवलज्ञान के प्राप्ति कर है । १४ गुणस्थान ई प्रकार है -
- मिथ्या दृष्टि
- सासादन सम्यक्-दृष्टि
- मिश्र दृष्टि
- अविरत सम्यक्-दृष्टि
- देश-विरत
- प्रमत्त सम्यक्
- अप्रमत्त सम्यक्
- अपूर्वकरण
- अनिवृतिकरण
- सूक्ष्म-साम्पराय
- उपशान्तमोह
- क्षीणमोह
- सयोगकेवली- योग सहित केवलज्ञान । ई गुणस्थानमे अनन्तज्ञान, अनन्तदर्शन, अनन्तसुख आउ अनन्त आत्मशक्ति प्राप्त हो जा है ।
- अयोगकेवली - योग रहित केवलज्ञान
अन्य दर्शनमे
[सम्पादित करथिन | स्रोत सम्पादित करथिन]केवल के अर्थ ऊ ज्ञान जे भ्रान्तिशून्य आउ विशुद्ध होवे । साङ्ख्य दर्शनके अनुसार ई प्रकारके ज्ञान तत्वाभ्याससे प्राप्त होव है । ह ज्ञान मोक्षके साधक होव है । ई प्रकारके ज्ञान होवे पर ई बोध हो जा है कि न त हम कर्ता ही आउ न कोनोसे हमर कोनो सम्बन्ध है आउ न हम स्वयं पृथक् कुछो ही ।