कोरिया

सबसे बड़का नगरसमूह (जनसङ्ख्या)	सिओल
आधिकारिकभाषा	कोरियाई
क्षेत्रफल
• कुल	(८४मा यदि एकीकृत होवै)
• जलक्षेत्र (%)	2.8
जनसङ्ख्या
• 2007 आकलन	7,22,85,392 (१७मा यदि एकीकृत होवै)
• जनघनत्व
मुद्रा	कोरियाई वॉन (₩) (N/S)
समय मण्डल	युटिसि+९, +८:३० (कोमास, प्योस)

कोरिया (कोरियाई: 한국 या 조선) एक सभ्यता आउ पूर्वमे एकीकृत राष्ट्र जे वर्तमानमे दु राज्यमे विभाजित हे । कोरियाई प्रायद्वीप पर स्थित एकर सीमा पश्चिमोत्तरमे चीन, पूर्वोत्तरमे रूस आउ जापानसे कोरिया जलसन्धि द्वारा पूर्वमे अलगे हे ।

कोरिया १९४८ तक संयुक्त हलै । तहिया एकरा दक्षिण कोरिया आउ उत्तर कोरियामे विभाजित कर देल गेलै । दक्षिण कोरिया, आधिकारिक तौर पर कोरिया गणराज्य, एक पूञ्जीवादी, लोकतान्त्रिक आउ विकसित देश हे जेकर संयुक्तराष्ट्र सङ्घ, WTO, OECD आउ जि-२० प्रमुख अर्थव्यवस्थामे सदस्यता हे । उत्तर कोरिया, आधिकारिक तौर पर लोकतान्त्रिक जनवादी कोरिया गणराज्य, किम इल-सुङ्ग द्वारा स्थापित एक एकल पार्टी साम्यवादी देश हे आउ सम्प्रति उनकर बेटा किम जोङ्ग-इलके दोसर बेटा किम जोङ्ग-उन द्वारा शासित हे । उत्तर कोरियाके वर्तमानमे संयुक्तराष्ट्र सङ्घमे सदस्यता हे ।

पुरातत्व आउ भाषाई सबूत ई सुझावहे कि कोरियाई लोगके उत्पत्ति दक्षिणमध्य साइबेरियाके अल्टायाक भाषा बोलेवाला प्रवासीमे भेलै हल जे नवपाषाण युगसे कांस्य युग तक लगातार बहावमे प्राचीन कोरियामे बसैत गेलन । दुसरा शताब्दी ईपू मे चीनी लेखन प्रणाली (कोरियाईमे "हञ्जा") आउ चौथा शताब्दी ई मे बौद्धधर्मके अपनावेके कारण कोरियाके तीन साम्राज्य पर गहरा प्रभाव पड़लै । कोरिया बादमे ई सब सांस्कृतिक अग्रिमके एक संशोधित संस्करण पर जापानके पारित कर देलकै ।

गोरियो राजवंशके बादसे कोरिया एक एकल सरकार द्वारा शासित रहलै आउ गोरियो वंश पर १३मा शताब्दीमे मङ्गोल हमला आउ १६मा शताब्दीमे जोसियो वंश पर जापानी हमलाके बावजूदो २०मा शताब्दी तक ई राजनैतिक आउ सांस्कृतिक स्वाधिनता बनैलै रखकै । १३७७ मे कोरिया जिक्जी पेश कैलकै, दुनियाके सबसे पुरान मौजूद प्रलेख जेकर चल धातु प्रकारसे मुद्रित कैल गेलै । १५मा शताब्दीमे कछुआ जहाज तैनात कैल गेलै आउ राजा सेजोङ्ग महान् कोरियाई वर्णमाला हङ्गुल प्रख्यापित कैलन ।

जोसियो राजवंशके उत्तरार्द्ध खनि कोरियाके एकान्तवादी नीति एकराला पश्चिमी उपनाम "साधु साम्राज्य" अर्जित कैलकै । १९मा शताब्दीके उत्तरार्ध तक ई देश जापान आउ यूरोपके औपनिवेशिक वृत्तिके लक्ष्य बनलै । १९१० मे कोरिया पर जबरन जापान द्वारा कब्जा कर लेल गेलै आउ ई कब्जा अगस्त १९४५ मे द्वितीय विश्वयुद्धके अन्त तक बनल रहलै ।

१९४५ मे सोवियत सङ्घ आउ संयुक्तराज्य अमेरिका कोरियामे जापानी सैनिकके आत्मसमर्पण आउ निरस्त्रीकरण पर सहमत भेलै । सोवियत सङ्घ ३८मा समानान्तरके पूर्वमे जापानी हथियारके समर्पणके स्वीकार कैलकै आउ अमेरिका ओकर दक्षिणमे । मित्र राष्ट्रके सेना द्वारा ई छोट निर्णय जल्दिए दु महाशक्ति द्वारा कोरियाके विभाजनके आधार बन गेलै जेकरा कोरियाई स्वाधिनताके शर्त पर सहमत होवेमे उनकर असमर्थता आउ बढ़ा देलकै । शीतयुद्धके ई दु प्रतिद्वन्द्वी एकर बाद अपन विचारधारासे सहानुभूति रखेवाला सरकारके स्थापना कैलकै जे कोरियाके दु राजनैतिक सत्ताके मौजूदा विभाजनके प्रेरित कैलकै - उत्तर कोरिया आउ दक्षिण कोरिया ।

एकरो देखथिन

• कोरियाईभाषा
• उत्तर कोरिया
• दक्षिण कोरिया