क्षार
क्षार एगो ऐसन पदार्थ हे, जेकरा पानीमे मिलावेसे पानीके pH मान ७.० से अधिक हो जा हे । ब्रन्स्टेड आउ लोरीके अनुसार क्षार एगो ऐसन पदार्थ हे जे अम्लीय पदार्थके OH- दान करहे ।
क्षारक वास्तवमे ऊ पदार्थ हे जे अम्लके साथे मिलके लवण आउ जल बनावहे । उदाहरणतः जिङ्क ऑक्साइड सल्फ्यूरिक अम्लके साथे मिलके जिङ्क सल्फेट आउ पानी बनावहे । दाहक सोडा (कॉस्टिक सोडा), सल्फ्यूरिक अम्लके साथे मिलके सोडियम सल्फेट आउ पानी बनावहे । धातुके ऑक्साइड सामान्यतः क्षारक हे । पर एकर अपवादो हे ।
क्षारकमे धातुके ऑक्साइड आउ हाइड्रोक्साइड हे, पर सुविधाला तत्वके कुछ ऐसन समूहो रखल गेल हे जे अम्लके साथे मिलके बिन पानी बनले लवण बनावहे । ऐसन क्षारकमे अमोनिया, हाइड्राोक्सिलएमीन आउ फोस्फीन हे । द्रव अमोनियामे घोरा जा हे पर फिनोल्फथैलीनसे कौनो रङ्ग नै दे । अतः कने तक ई क्षारक कहल जा सकहे, ई बात सन्दिग्ध हे ।
यद्यपि ऊपरके क्षारकके परिभाषा बड्ड असन्तोषप्रद हे, तथापि एकरासे बेस परिभाषा नै देल जा सकहे । क्षारक (बेस) आउ क्षार (ऐल्कैली) पर्यायवाची शब्द नै हे । सब क्षार क्षारक हे पर सब क्षारक क्षार नै हे । क्षार-धातुके ऑक्साइड, जैसे सोडियम ऑक्साइड, पानीमे घोराके हाइड्राॅक्साइड बनावहे । ई प्रबल क्षारकीय होवहे । क्षारीय मृदाधातुके आक्साइड, जैसे कैल्सियम ऑक्साइड, पानीमे अल्प विलेय आउ अल्प क्षारीय होवहे । अन्य धातुके ऑक्साइड पानीमे नै घोराय आउ उनखर हाइड्राॅक्साइड परोक्ष रीतियेसे बनावल जा हे ।
धातुके ऑक्साइड आउ हाइड्राॅक्साइड क्षारक होवहे । क्षार धातुके ऑक्साइड पानीमे शीघ्र घोरा जा हे । कुछ धातुके ऑक्साइड पानीमे कम विलेय होवहे आउ कुछ धातुके ऑक्साइड पानीमे तनियो विलेय नै हे । कुछ अधातुके हाइड्राइड, जैसे नाइट्रोजन आउ फाॅस्फोरसके हाइड्राइडो (क्रमशः अमोनिया आउ फाॅस्फीन) भस्म होवहे ।
क्षारके गुण
[सम्पादित करथिन | स्रोत सम्पादित करथिन]- बड्डीमनी क्षार पानीमे विलेय हे, जैसे- सोडियम हाइडॉक्साइड, अमोनिया आदि । किन्तु कुछ विलेय नै हे (जैसे- एल्युमिनियम हाइडॉक्साइड) ।
- सान्द्र क्षार जैविक चीजला दाहक (कॉस्टिक) होवहे आउ अम्लीय पदार्थके साथे तेजीसे क्रिया करहे ।
- क्षारके जलीय बिलयन आउ पिघलैत क्षार विद्युतके सुचालक होवहे एवम् ई सब रूपमे ई आयनमे बिलगित हो जा हे ।
- क्षार, लिटमस पत्रके नील कर दे हे आउ फेनोफ्थलीनके गुलाबी बना दे हे ।
- तेल एवं वसासे ऊ साबुन एवं ग्लीसरीन बनावेके काम आवहे ।
- कुछ क्षार प्रबल (strong) होवहे आउ कुछ क्षार दुर्बल (weak) ।
- क्षारमे पानी मिलावेसे एकर सान्द्रता (कन्सेन्ट्रेशन) कम होवहे (तनुता बढ़हे) तनुत बढ़ेके साथे-साथे क्षारके प्रभावो कम होवहे ।