जापान

साँचा:Infobox country जापान (जापानी: 日本, निप्पोन् या निहोन्; औपचारिकरूप: जापान राज्य) , एसिया महाद्वीपके पूरुदने स्थित एगो द्वीपदेश हे । जापान चार बड़ आउ अनेक छोट द्वीपके एगो समूह हे ।^[१] ई द्वीप एसियाके पूर्बी समुद्रतट, मने उत्तर पच्छिम प्रशान्त महासागरमे स्थित हे । ई पच्छिदने जापान सागर या पुरब सागरसे घिरल हे, आउ उत्तरदने ओखोटस्क सागरसे लेके दक्खिनमे पूरुब चीन सागर आउ ताइवान तक फैलल हे । एकर निकटतम पड़ोसी चीन, कोरिया (उत्तर आउ दक्खिन कोरिया) आउ रूस हे ।

जापानमे ओहाँके मूल निवासीके जनसङ्ख्या ९८.५% हे । बाकी ०.५% कोरियाई, ०.४% हान चीनी आउ ०.६% अन्य लोग हे । जापानी लोग अपन देशके "निप्पोन्" या "निहोन्" कहहथिन, जेकर मने "सूर्योदय" हे । रिङ्ग ऑफ फायरके भाग जापान ६८५२ द्वीपके एक द्वीपसमूह हे जे ३,७७,९७५ वर्ग किलोमीटर (१,४४,९३७ वर्ग मील) मे फैलल हे । जापानके पाँच मुख्य द्वीप होक्काइदो, होन्शू (जेकरा जापानके मुख्यभूमियो कहल जा हे), शिकोकू, क्यूशू आउ ओकिनावा हे । जापानके राजधानी टोकियो हे आउ एकर अन्य बड़ महानगर योकोहामा, ओसाका, नागोया, साप्पोरो, फुकुओका, कोबे आउ क्योटो (जापानके पूर्ववर्ती राजधानी) हे ।

जापान दुनियाके इरहमा सबसे अधिक जनसङ्ख्या वाला देश हे, साथे सबसे घना जनसङ्ख्या वाला आउ नगरीकृत देशोमे से एक हे । देशके लगभग तीन-चौथाई भूभाग पहाड़ी हे, जौन कारण एकर १२.५ करोड़के जनसङ्ख्या सङ्कीर्ण तटीय मैदान पर केन्द्रित हे । जापानके ४७ प्रशासनिक प्रान्त आउ आठ पारम्परिक क्षेत्रमे विभाजित कैल गेलै हे । बृदत् टोकियो क्षेत्र ३.७ करोड़से अधिक निवासीके साथ दुनियाके सबसे अधिक जनसङ्ख्या वाला महानगरीय क्षेत्र हे ।

जापान ऊपरी पुरापाषाणे काल (लगभग ३६,००० ईपू) से बसल हे किन्तु जापान देशके बारेमे पहिला लिखित उल्लेख एक चीनी वृत्तान्त हान ग्रन्थमे भेटहे जेकि द्वितीय शताब्दीमे पूर्ण भेलै हल । दोसर आउ नौमा शताब्दीके बीच ढेर जापानी साम्राज्य एक सम्राटके भीतरे एकीकृत हो गेलै जे हेइआन-क्यो (आजके समयमे जेकरो 'क्योटो' कहल जा हे) के अपन राजधानी घोषित कर देलकै बारहमा शताब्दीके शुरुआतमे ।^[२]^[३]

एकरो देखी

सन्दर्भ

↑ "इस देश को मिले 7000 नए द्वीप! क्‍या इससे बढ़ जाएगी उसकी जमीन, कैसे बनते हैं नए Islands?". न्यूज१८ हिन्दी (हिन्दी मे). 2023-02-17. अभिगमन तिथि 2023-09-13.
↑ "संग्रहीत प्रति". मूल से 1 सितम्बर 2016 के पुरालेखित. अभिगमन तिथि 3 सितम्बर 2016.
↑ "संग्रहीत प्रति". मूलसे 13 सितम्बर 2016 के पुरालेखित. अभिगमन तिथि 3 सितम्बर 2016.

[1] "इस देश को मिले 7000 नए द्वीप! क्‍या इससे बढ़ जाएगी उसकी जमीन, कैसे बनते हैं नए Islands?". न्यूज१८ हिन्दी (हिन्दी मे). 2023-02-17. अभिगमन तिथि 2023-09-13.

[2] "संग्रहीत प्रति". मूल से 1 सितम्बर 2016 के पुरालेखित. अभिगमन तिथि 3 सितम्बर 2016.

[3] "संग्रहीत प्रति". मूलसे 13 सितम्बर 2016 के पुरालेखित. अभिगमन तिथि 3 सितम्बर 2016.

[१]

[२]

[३]