तुर्की

तुर्की गणराज्य Türkiye Cumhuriyeti
झण्डा
राष्ट्रगान: İstiklâl Marşı ("स्वाधिनता मार्च")
राजधानी	अङ्कारा 39°55′N 32°51′E
सबसे बड़का नगर	इस्तान्बुल 41°1′N 28°57′E
आधिकारिकभाषा	तुर्की
नृजातीय समूह	70–75% तुर्की 19% कुर्द 6–11% अन्य
निवासीनाम	तुर्की तुर्क
सरकार	एकात्मक अध्यक्षीय गणराज्य
• राष्ट्रपति	रजब तैयब इरदुगान
• प्रधानमन्त्री	जौदत यिलमाज
• अध्यक्ष	नुमान कुर्तुलमुश
• मुख्य न्यायाधिपति	कदिर ओजकाया
विधानमण्डल	ग्राण्ड नेशनल असेम्बली
स्थापना
• उस्मानी साम्राज्य	ल. 1299
• स्वाधिनताके युद्ध	19 मई 1919
• तुर्की राज्य	23 अप्रैल 1920
• उस्मानी सल्तनतके समाप्ति	1 नवम्बर 1922
• लोजानके सन्धि	24 जुलाई 1923
• गणराज्यके स्थापना	29 अक्टूबर 1923
• वर्तमान संविधान	9 नवम्बर 1982
क्षेत्रफल
• कुल	(३६मा)
• जलक्षेत्र (%)	2.03
जनसङ्ख्या
• 2024 आकलन	8,56,64,944 (१८मा)
• जनघनत्व
जिडिपि (पिपिपि)	2025 प्राक्कलन
• कुल	$3.652 खरब (१२मा)
• प्रतिव्यक्ति	$42,451 (५४मा)
जिडिपि (साङ्केतिक)	2025 प्राक्कलन
• कुल	$1.437 खरब (१६मा)
• प्रतिव्यक्ति	$16,709 (६३मा)
गिनी (2021)	44.4 मध्यम
माविसू (2023)	0.853 अत्युच्च · ५१मा
मुद्रा	तुर्की लीरा (₺) (TRY)
समय मण्डल	युटिसि+३ (TRT)
दूरभाष सङ्केत	+90
इण्टरनेट टिएलडि	.tr
१. जनसङ्ख्या आउ घनत्वके क्रम २००५ के आँकड़ा पर आधारित हे ।

तुर्की (तुर्की: Türkiyecode: tr is deprecated ) यूरेसियामे स्थित एक देश हे । एकर राजधानी अङ्कारा हे । एकर मुख्य आउ राजभाषा तुर्कीभाषा हे । ई एक धर्मनिरपेक्ष देश हे जने अधिकांश लोगके पन्थ इस्लाम हे । ई एक लोकतान्त्रिक गणराज्य हे । एकर एसियाई भागके अनातोलिया आउ यूरोपीय भागके थ्रेस कहल जा हे ।

स्थिति : ३९ डिग्री उत्तरी अक्षांश आउ ३६ डिग्री पूर्वी देशान्तर । एकर कुछ भाग यूरोपमे आउ अधिकांश भाग एसियामे पड़हे । अतः एकरा यूरोप आउ एसियाके बीचके 'सेतु' कहल जा हे । इजीयन सागरके पतला जलखण्डके बीचमे आ जायेसे ई सेतुके दु भाग हो जा हे जेकरा साधारणतया यूरोपीय तुर्की आउ एसीय तुर्की कहल जा हे । तुर्कीके ई दुनो भाग बासपोरसके जलडमरूमध्य, मारमारा सागर आउ डारडनेल्ज द्वारा एक दोसरासे अलगे होवहे ।

तुर्की गणतन्त्रके कुल क्षेत्रफल २,९६,१८५ वर्ग मील हे जेकरामे यूरोपीय तुर्की (पूर्वी थ्रेस) के क्षेत्रफल ९,०६८ वर्ग मील आउ एसियाई तुर्की (अनातोलिया) के क्षेत्रफल २,८७,११७ वर्ग मील हे । एकर अन्तर्गत ४५१ दलदली स्थल आउ ३,२५६ खारा पानीके झील हे । पूर्वमे रूस आउ इरान (कुर्दिस्तान), दक्षिण दने इराक, सीरिया आउ भूमध्यसागर, पश्चिममे यूनान आउ बुल्गारिया आउ उत्तरमे करिया सागर एकर राजनैतिक सीमा निर्धारित करहे ।

यूरोपीय तुर्की - त्रिभुजाकर प्रायद्वीपी प्रदेश हे जेकर शीर्षक पूर्वमे बासपोरसके मुहाने पर हे । ओकर उत्तर आउ दक्षिण दुनो दने पर्वतश्रेणी फैलल हे । मध्यमे निचला मैदान मिलहे जेकरामे होके मारीत्सा आउ इरजिन नदी बहहे । एही भागसे होके इस्तैस्म्यूलके सम्बन्ध पश्चिमी देशसे हे ।

एसियाई तुर्की - एकरा तीन प्राकृतिक भागमे विभाजित कर सकल जा हे - १. उत्तरमे करिया सागरके तट पर पाण्टस पर्वत, २. मध्यमे अनातोलिया आउ अर्मीनियाके निचला भाग, ३. दक्षिणमे टारस एवं ऐण्टिटारस पर्वत जे भूमध्यसागरके तट तक विस्तृत हे ।

दुनो समुद्रके तट पर मैदानके पतला पट्टी मिलहे । पश्चिममे इजीयन आउ मारमारा सागरके तट पर अपेक्षाकृत कम ऊँचा पहाड़ी मिलहे जेकरासे मध्यके पठार तक आवागमन सुगम हो जा हे । उत्तरसे दक्षिण दने आवे पर करिया सागरके तट पर सँकरा मैदान मिलहे जेकरासे एकसे लेके दु मील तक ऊँची पाण्टस पर्वतश्रेणी एकाएक उठैत दृष्टिगोचर होवहे । ई पर्वतश्रेणी सबके पार करे पर अनातोलियाके विस्तृत पठार भेटहे । एकर दक्षिण टारसके ऊँचा पर्वतश्रेणी फैलल हे आउ दक्षिण जाए पर भूमध्यसागरीय तटके निचला मैदान भेटहे । अनातोलिया पठारमे तुर्कीके एक तिहाई भाग सम्मिलित हे ।