दक्षिण अमेरिका

दक्षिण अमेरिका

क्षेत्रफल	१,७८,४०,००० किमी२
जनसङ्ख्या	३८,२०,००,०००
जनसङ्ख्या घनत्व	२१.४ प्रति किमी२
राष्ट्रियता	दक्षिण अमेरिकी, अमेरिकी
देश	१२ (देशके सूची)
अधीनस्थ क्षेत्र	३
भाषा (सभ)	भाषाके सूची
समयक्षेत्र	युटिसि-२ से युटिसि-५
बड़नगर	{{{1}}} साओ पाउलो ब्यूनस आयरस रियो डि जेनेरो बोगोटा लीमा सेण्टियागो कैराकास

दक्खिन अमेरिका (दक्षिण अमेरिका) उत्तर अमेरिकाके दक्खिनपूरुदने स्थित पच्छिमी गोलार्द्धके एगो महाद्वीप हे । दक्षिणी अमेरिका उत्तरमे १३^० उत्तरी अक्षांश (गैलिनस अन्तरीप) से दक्षिण मे ५६^० दक्षिणी अक्षांश (हार्न अन्तरीप) तक एवं पूर्वमे ३५^० पश्चिमी देशान्तर (रेशिको अन्तरीप) से पश्चिममे ८१^० पश्चिमी देशान्तर (पारिना अन्तरीप) तक विस्तृत हे । एकर उत्तरदन्ने केरीबियायी सागर आउ पनामा नहर, पूरु आउ उत्तरपूरुदने आन्ध्रमहासागर, पच्छिदने प्रशान्तमहासागर आउ दक्खिनदने अण्टार्कटिक महासागर स्थित हे । भूमध्य रेखा ई महाद्वीपके उत्तरी भागसे एवं मकर रेखा मध्यसे गुजरहे जेकरा चलते एकर अधिकांश भाग उष्ण कटिबन्धमे पड़हे । दक्षिणी अमेरिकाके उत्तरसे दक्षिण लम्बाई लगभग ७,२०० किलोमीटर आउ पश्चिमसे पूर्व चौड़ाई ५,१२० किलोमीटर हे । विश्वके ई चौथा बड़ महाद्वीप हे, जे आकारमे भारतसे लगभग ६ गुना बड़ा हे । पनामा नहर एकरा पनामा भूडमरुमध्य पर उत्तरी अमेरिका महाद्वीपसे अलगे करहे । किन्तु पनामा देश उत्तरी अमेरिकामे आवहे ।

३२,००० किलोमीटर लम्बा समुद्रतट वाला ई महाद्वीपके समुद्री किनारा सीधा एवं सपाट हे, तट पर द्वीप, प्रायद्वीप आउ खाड़ी कम हे जेकरासे बेस बन्दरगाहके अभाव हे । खनिज आउ प्राकृतिक सम्पदामे धनी ई महाद्वीप गरम एवं नम जलवायु, पर्वत, पठार घना जङ्गल आउ मरुस्थलके उपस्थितिके चलते विकसित नै हो सकल हे । एहाँ विश्वके सबसे लम्बा पर्वत-श्रेणी एण्डीज पर्वतमाला एवं सबसे ऊँचा टीटीकाका झील हे । भूमध्यरेखाके समीप पेरू देशमे चिम्बोरेजो आउ कोटोपैक्सी नामक विश्वके सबसे ऊँचा ज्वालामुखी पर्वत हे जे लगभग ६,०९६ मीटर ऊँचा हे । अमेजन, ओरीनिको, रियो डि ला प्लाटा एहाँके प्रमुख नदी हे । दक्षिण अमेरिकाके अन्य नदी ब्राजिलके साओ फ्रान्सिस्को, कोलम्बियाके मैगडालेना आउ अर्जेण्टीनाके रायो कोलोरेडो हे । ई महाद्वीपमे ब्राजिल, अर्जेण्टीना, चिली, उरुग्वे, पैराग्वे, बोलिविया, पेरू, इक्वाडोर, कोलोम्बिया, वेनेजुएला, गुयाना (ब्रिटिश, फ्रेञ्च), सूरीनाम (एकरा पहिले डच गुयाना के नामसे जानल जा हलै ) आउ फाकलैण्ड द्वीपसमूह आदि देश हे ।

एकरो देखी

• महाद्वीप
• महा-अमेरिका
• मध्य अमेरिका