दलित

दलित

विशेष निवासक्षेत्र
भारत	20.14 करोड़ (2011)
बङ्गलादेश	65 लाख (2010)
नेपाल	50 लाख (2011)
श्रीलङ्का	50 लाख (2011)
पाकिस्थान	30 लाख (2011)
महाब्रिटेन	5 लाख (2013)
संयुक्तराज्य	अज्ञात (2013)
कनाडा	2.5 लाख (2013)
मलेसिया	अज्ञात (2013)
सिङ्गापुर	अज्ञात (2013)
भाषा
दक्षिण एशियाई भाषा
धरम
हिन्दु · सिख · बौद्ध · ईसाई · इस्लाम
सम्बन्धित सजातीय समूह
हिन्द आर्य, द्रविड़, मुण्डा

दलित अङ्ग्रेजी शब्द डिप्रेस्ड क्लास के मगही अनुवाद है । भारतमे वर्तमान समयमे 'दलित' शब्दके अनेक अर्थमे प्रयोग होव है । ओइसे त एकर कोनो सर्वमान्य परिभाषा न हो सकै, किन्तु मोटा तौरपर ऊ सब वर्गके दलित कहल जा है जे वर्तमानमे अनुसूचित जातिके अन्तर्गत आव हथिन । दलित शब्दके अर्थ पीड़ित, शोषित, 'दबाएल' एवं 'जिनकर अधिकार छीनल गेलै होवे' होव है । ई अर्थमे हिन्दु, मुसलमान, ईसाई आदि सब धर्ममे दलित वर्ग उपस्थित है । वर्तमान समयमे जिनका दलित समझल जा है ओकरामे से अनेक वर्गके पहिले 'अछूत' या 'अस्पृश्य' मानल जा हलै । उनका अनेक प्रकारसे शोषण होलै । भारतके जनगणना २०११ के अनुसार भारतके जनसङ्ख्‍यामे लगभग १६.६ प्रतिशत या २०.१४ करोड़ जनसङ्ख्‍या दलितके है ।

अर्थ आउ अवधारणा

दलित शब्‍दके शाब्दिक अर्थ है - दलन कैल । एकर अन्तर्गत ऊ हर व्‍यक्ति आ जा है जेकर शोषण-उत्‍पीड़न होलै हे । रामचन्द्र वर्मा अपन शब्‍दकोशमे दलितके अर्थ लिखलन हे मसलल, मर्दित, दबावल, रौन्दल या कुचलल, विनष्‍ट कैल । पिछलका छौ-सात दशकमे 'दलित' पदके अर्थ ढेर बदल गेलै हे । डॉ॰ भीमराव अम्बेडकरके आन्दोलनके बाद ई शब्‍द हिन्दु समाज व्‍यवस्‍थामे सबसे निचला पायदान पर स्थित सैकड़ो वर्षसे अस्‍पृश्‍य समझल जाएवाला समस्त जातिला सामूहिक रूपसे प्रयोग होव है । अखनि दलित पद अस्‍पृश्‍य समझल जाएवाला जातिके आन्दोलनधर्मिताके परिचायक बन गेलै हे । भारतीय संविधानमे ई सब जातिके अनुसूचित जाति नामसे जानल जा है । भारतीय समाजमे वाल्‍मीकि या भङ्गीके सबसे नीच जाति समझल जाइत रहलै हे आउ उनकर पारम्परिक पेशा मानव मलके सफाई कैल रहलै हे । किन्तु आजके समयमे ई स्थितिमे बड़ी बदलाव ऐलै हे । दलितके अर्थ शङ्कराचार्य मधुराष्टकं मे द्वैतसे लेलन हे । ऊ "दलितं मधुरं" कहके श्रीकृष्णके सम्बोधित कैलन हे ।

एकरो देखथिन

• अस्पृश्यता
• हरिजन
• अनुसूचित जाति