दादरा आउ नगरहवेली
दादरा आउ नगरहवेली (गुजराती: દાદરા અને નગર હવેલી, मराठी: दादरा आणि नगर हवेली) भारतके एक क्षेत्र है । ई पहिले एक केन्द्रशासितप्रदेश हलै आउ अखन दादरा आउ नगरहवेली आउ दमन आउ दीउ केन्द्रशासितप्रदेशके भाग है । ई भारतमे महाराष्ट्र आउ गुजरातके बीच स्थित है, हालाँकि दादरा, जे कि ई प्रदेशके एक तालुका है, कुछ किलोमीटर दूर गुजरातमे स्थिति एक विदेशी अन्तःक्षेत्र है । सिलवास ई प्रदेशके राजधानी है । ई क्षेत्र दमनसे १० से ३० किलोमीटर दूर है । [१]
ई प्रदेश पर १७७९ तक मराठाके आउ फिन १९५४ तक पुर्तगाली साम्राज्यके शासन हलै । ई भारतमे ११ अगस्त १९६१ मे शामिल कैल गेलै ।[२] २ अगस्तके मुक्ति दिवसके रूपमे मनावल जा है ।[३]
दादरा आउ नगरहवेली प्रमुख रूपसे ग्रामीण क्षेत्र है जेकरामे ६२% से अधिक आदिवासी रहहै ।[४] सङ्घराज्य क्षेत्र ४० प्रतिशत भाग आरक्षित वनसे घिरा है जे ढेर प्रकारके वनस्पति आउ पशुके निवास प्रदान करहै ।[५] समुद्री तटसे समीपताके कारण, गर्मीमे तापमान जादे ऊपरे न जाइ । दमनगङ्गा एहाँके प्रमुख नदी है जे अरब सागरमे जाके मिलहै ।
घना वन एवं अनुकूल जलवायुके देखैत एहाँ पर्यटन क्षेत्रके उच्च प्राथमिकता देल गेलै हे । यात्रीके रूकेला अनेक होटल आउ रेस्त्राँ है । पर्यटनके बढ़ावा देवेला प्रत्येक वर्ष तारपा उत्सव, पतङ्ग उत्सव आउ विश्व पर्यटन दिवस आदि आयोजित कैल जा है ।[२] पर्यटन स्थल होवेके साथे साथे ई एक महत्वपूर्ण ओद्योगिक केन्द्रो है । प्रदेशमे कुल तीन ओद्योगिक व्ययस्थापन मौजूद है जेकरामे कुल २९० प्लाट है ।[६]
सन्दर्भ
[सम्पादित करथिन | स्रोत सम्पादित करथिन]- ↑ http://www.dnh.nic.in
Archived २०१९-०८-०९ at the वेबैक मशीन, "Dadra and Nagar Haveli government website" - 1 2 http://bharat.gov.in/knowindia/state_uts.php?id=33
Archived २०१२-०५-१४ at the वेबैक मशीन, "History of DNH" - ↑ http://dnh.nic.in/leave2007.html
Archived २००७-११-२७ at the वेबैक मशीन, "Public Holidays of D&N.H." - ↑ "The Official Tourism Website of Department of Tourism, U.T of Dadra & Nagar Haveli, Silvassa - People of Dadra and Nagar Haveli". Archived from the original on 19 नवम्बर 2012. Retrieved 25 फरवरी 2012.
- ↑ "Visitors guide for Daman, Diu, Dadra and Nagar Haveli" (PDF). "Government of D&N.H and Daman & Diu". p. 20. Archived from the original (PDF) on 7 नवम्बर 2012. Retrieved 24 फरवरी 2012.
- ↑ "Dadra and Nagar Haveli - Industry". Archived from the original on 22 नवम्बर 2012. Retrieved 25 फरवरी 2012.