ध्वनि

ध्वनि एक प्रकारके कम्पन वा विक्षोभ हे जे कौनो ठोस, द्रव वा गैससे होके सञ्चारित होवहे । किन्तु मुख्यरूपसे ओही सब कम्पनके ध्वनि कहल जा हे जे मनुष्यके कानसे सुनाई दे हे ।

ध्वनिके प्रमुख विशेषता

ध्वनि एक यान्त्रिक तरङ्ग हे न कि विद्युच्चुम्बकीय तरङ्ग । (प्रकाश विद्युच्चुम्बकीय तरङ्ग हे ।)
ध्वनिके सञ्चरणला माध्यम (मिडिअम) के जरूरत होवहे । ठोस द्रव, गैस एवं प्लाज्मामे ध्वनिके सञ्चरण सम्भव हे । निर्वातमे ध्वनिके सञ्चरण नै हो सकहे ।
द्रव, गैस एवं प्लाज्मामे ध्वनि खाली अनुदैर्घ्य तरङ्ग (longitudenal wave) के रूपमे चलहे जखनिकि ठोसमे ई अनुप्रस्थ तरङ्ग (transverse wave) के रूपोमे सञ्चरण कर सकहे । जौन माध्यममे ध्वनिके सञ्चरण होवहे यदि ओकर कण ध्वनियेके गतिके दिशामे कम्पन करहे त ओकरा अनुदैर्घ्य तरङ्ग कहल जा हे; जखनि माध्यमके कणके कम्पन ध्वनिके गतिके दिशाके लम्बवत होवहे त ओकरा अनुप्रस्थ तरङ्ग कहल जा हे ।
सामान्य ताप आउ चाप (NTP) पर वायुमे ध्वनिके वेग लगभग ३३२ मीटर प्रति सेकेण्ड होवहे । बड्डीमनी वायुयान एकरोसे तेज गतिसे चल सकहे ओकरा सुपरसॉनिक विमान कहल जा हे ।
मानव कान लगभग २० हर्ट्ससे लेके २० किलोहर्टस (२०००० हर्ट्स) आवृत्तिके ध्वनि तरङ्गके सुन सकहे । बड्डीमनी अन्य जन्तु एकरासे बड्डी अधिक आवृत्तिके तरङ्गोके सुन सकहे ।
एक माध्यमसे दोसरा माध्यममे जायेपर ध्वनिके परावर्तन एवम् अपवर्तन होवहे ।
माइक्रोफोन ध्वनिके विद्युत ऊर्जामे बदलहे; लाउडस्पीकर विद्युत ऊर्जाके ध्वनि ऊर्जामे बदलहे ।
कौनो तरङ्ग (जैसे ध्वनि) के वेग, तरङ्गदैर्घ्य आउ आवृत्तिमे निम्नलिखित सम्बन्ध होवहे -

\lambda ={\frac {v}{f}}

जन्ने v तरङ्गके वेग, f आवृत्ति आउ : $\lambda$ तरङ्गदर्ध्य हे ।

आवृत्तिके अनुसार वर्गीकरण

अपश्रव्य (Infrasonic) 20 Hz से कम आवृत्तिके ध्वनि मनुष्यके सुनाई नै दे,
श्रव्य (sonic) 20 Hz से 20 kHz, के बीचके आवृत्ति वाला ध्वनि सामान्य मनुष्यके सुनाई दे हे ।
पराश्रव्य (Ultrasonic) 20 kHz से 1 GHz के बीचके आवृत्तिके ध्वनि मनुष्यके सुनाई नै पड़े,
अतिध्वनिक (Hypersonic) 1 GHz से अधिक आवृत्तिके ध्वनि कौनो माध्यममे खाली आंशिके रूपसे सञ्चरित (प्रोपेगेट) हो पावहे ।

इहो देखी

ध्वनिकी (Acoustics)
वाद्य यन्त्र
श्रव्य सङ्केत प्रसंस्करण (Audio signal processing)
स्पन्द (Beat)
अपवर्तन (Diffraction)
डॉप्लर प्रभाव (Doppler effect)
प्रतिध्वनि (Echo)
सङ्गीत
अनुनाद (Resonance)
परावर्तन (Reflection)
पराश्रव्य (Ultrasound)
माइक्रोफोन
लाउडस्पीकर
श्रव्य प्रवर्धक (ऑडियो ऐम्प्लिफायर)

बाहरी कड़ी