नीलनदी
सन्सारके सबसे लम्बा नदी नील् (अरबी: النيل) हे जे अफ्रीकाके सबसे बड़का झील बिक्टोरियासे निकलके बिस्तृत सहारा मरुस्थलके पूर्बी भागके पार करित उत्तरदने भूमध्यसागरमे उतर पड़हे। ई भूमध्य रेखाके निकट भारी बर्षावाला क्षेत्रसे निकलके दक्खिनसे उत्तर क्रमशः युगाण्डा, इथियोपिया, सूडान् एवं मिस्रसे होके बहित ढेर लम्बा घाटी बनावहे जेकर दोनोदने भूमि पतला पट्टीके रूपमे शस्यश्यामला लोकहे। ई पट्टी सन्सारके सबसे बड़ा मरूद्यान हे। नीलनदीके घाटी एगो सङ्करा पट्टी नियन हे जेकर अधिकान्श भागके चौड़ाई १६ किलोमीटर् से अधिक न हे, कनहूँ-कनहूँ त एकर चौड़ाई २०० मीटरो से कम हे।