न्यूट्रोन
न्यूट्रोन एक आवेश रहित मूलभूत कण हे जे परमाणुके नाभिकमे प्रोटोन साथे पाएल जा हे । एकरा n से दर्शावल जा हे । न्यूट्रोनके खोज ब्रिटिश भौतिक वैज्ञानिक जेम्स चैडविक १९३२ मे कैलन हल ।
न्यूट्रोन एक उपपरमाण्विक कण हे जेकि सभ प्रकारके पदार्थके परमाणुके नाभिकमे पाएल जा हे । प्रोटोन आउ न्यूट्रोन मिलके परमाणुके नाभिकके निर्माण करहे । न्यूट्रोन एक विद्युत उदासीन कण हे जेकर द्रव्यमान 1.67493 × 10−27किग्रा होवहे जेकि इलेक्ट्रोनके द्रव्यमानसे 1,839 गुना अधिक हे । न्यूट्रोन पूर्ण रूपसे एक मूलभूत कण नै हे बलिक ई आउओ छोट अस्थाई सूक्ष्म कणसे मिलके बनल रहहे जेकरा क्वार्क कहल जा हे । न्यूट्रोन तीन क्वार्कसे मिलके बनल होवहे जेकरामे दु डाउन क्वार्क होवहे आउ एक अप क्वार्क होवहे ।
बरिस 1920 मे अपन प्रयोगके आधार पर रदरफोर्डो परमाणुके नाभिकमे एक ऐसन कणके उपस्थितके सम्भावना बतौलन हल जेकर द्रव्यमान लगभग प्रोटोनके द्रव्यमानके बराबर होवे आउ ऊ विद्युत आवेश रहित उदासीन कण होवे आउ अन्ततः जेम्स चेडविक अपन प्रयोग द्वारा 1932 मे परमाणुके नाभिकमे ई कणके खोज कर लेलन आउ ऊ एकरा न्यूट्रोन नाम देलन ।
न्यूट्रोन परमाणुके नाभिकमे त स्थाई रूपसे पाएल जा हे किन्तु स्वच्छ रूपसे अपनहीँमे ई स्थाई कण नै हे । जखनि न्यूट्रोन नाभिकमे उपस्थित न होके खुलामे उपस्थित होवहे तखनि एकर रेडियोसक्रियता क्षय भेल शुरू हो जा हे । न्यूट्रोन रेडियोएक्टिव क्षयके परिणामस्वरूप एगो प्रोटोन, एगो इलेक्ट्रोन आउ एक एण्टीन्यूट्रिनोमे टूट जा हे । न्यूट्रोनके रेडियोसक्रियता क्षयके अर्ध आयु 614 सेकेण्ड होवहे ।
बाहरी कड़ी
[सम्पादित करथिन | स्रोत सम्पादित करथिन]Archived २०२०-११-०५ at the वेबैक मशीन
| प्राथमिक |
| ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| मिश्र कण |
| ||||||||||||||||||||||||
| कणाभ | |||||||||||||||||||||||||
| सूची | |||||||||||||||||||||||||
| विकिपीडिया पुस्तक | |||||||||||||||||||||||||
