पूरुबी चीनसागर
पूर्व चीनसागर पूरुबी एसियाके पूरुदन्ने स्थित एगो समुन्द्र हे । ई प्रशान्तमहासागरके भाग हे आउ एकर क्षेत्रफल लगभग १२,४९,००० वर्ग किमी (मने ७,५०,००० वर्ग मील) हे । एकर पच्छिदन्ने चीन हे, पूरुदन्ने जापानके क्यूशू आउ नानसेइ द्वीप हे आउ दक्खिनदन्ने ताइवान हे । पूरुबी चीनसागरके सबसे अधिक गहराई लगभग ३,००० मीटर हे । चीनके सबसे लम्बा नदी याङ्ग्त्सीक्याङ्ग बहके एही सागरमे मिल जाहे ।[१]
द्वीप आउ रीफ
[सम्पादित करथिन | स्रोत सम्पादित करथिन]ई सागरमे कुछ जानलमानल द्वीप आउ रीफ स्थित हे[२] -
- सेङ्काकू द्वीप (जापानी: 尖閣諸島) - ईसभ द्वीप पर जापानके कब्जा हे किन्तु चीन एकर माङ्ग करहे । चीनके सरकार ईसभके 'दियाओयु' (चीनी: 钓鱼岛及其附属岛屿) बोलावहे ।
- तोङ्ग द्वीप (童岛) - एकरा पर चीनके नियन्त्रण हे आउ एकरा हाइजियाओ द्वीपो (海礁) बोलावल जाहे ।
- सोकोत्रा चट्टान या लेओदो चट्टान (कोरियाई: 이어도) या सुयान चट्टान (चीनी: 苏岩礁) - ई एगो डूबल रीफ हे (मने द्वीप न हे काहेकि समुद्रके सतहसे नीचे हे), किन्तु चीन आउ दक्खिनकोरियामे एकर मिलकियतके लेके बिवाद हे । संयुक्तराष्ट्रके समुद्री बिधान सन्धिके अनुसार ई जेकरो होत ओकर एन्ने-ओन्नेके समुद्री क्षेत्रके साधनो (जैसेकि समुद्री फर्शके नीचेके खनिज पदार्थ) पर अधिकार होत ।
- हुपीजियाओ चट्टान (虎皮礁) - एहो एगो रीफ हे ।
- याजियाओ चट्टान (鸭礁) - ई एगो अन्य रीफ हे ।
इहो देखी
[सम्पादित करथिन | स्रोत सम्पादित करथिन]सन्दर्भ
[सम्पादित करथिन | स्रोत सम्पादित करथिन]- ↑ The Yangtze, Michael Pollard, Evans Brothers, 2003, ISBN 978-0-237-52638-2
- ↑ China's policies on its borderlands and the international implications, Yufan Hao, Bill K. P. Chou, World Scientific, 2010, ISBN 978-981-4287-66-1