प्रतिशत
प्रतिशत (Percent) गणितमे कौनो अनुपातके व्यक्त करेके एक तरीका हे । प्रतिशतके अर्थ हे प्रति सौ या प्रति सैकड़ा (% =1/100) ; एक सौमे एक ।
उदाहरणला मानली कि गणितके प्रश्नपत्रके पूर्णाङ्क 50 हे आउ ऊ प्रश्नपत्रमे कौनो छात्र 48 अङ्क प्राप्त करहे त कहल जैतै कि ऊ छात्रके 48/50 = 96/100 = 96 प्रतिशत (96%) अङ्क भेटल । एही प्रकार कहल जा हे कि वायुमण्डलमे आक्सीजनके मात्रा 20% हे । कौनो कक्षामे 20 विद्यार्थीमे से खाली 15ए उतीर्ण भेल त कहब कि खाली 75% विद्यार्थी उतीर्ण भेल एवं 25% अनुतीर्ण (फेल) भेल ।
१. साधारण भिन्न या दशमलव भिन्नके प्रतिशत भिन्नमे बदलेला ऊ भिन्नमे 100 से गुणा कैल जा हे ।
- उदाहरण 1. 7/8 के प्रतिशत भिन्नमे लिखी ।
- हल: 7/8 = (7/8*100)% = 87.5%
2. प्रतिशत भिन्नके दशमलव या साधारण भिन्नमे बदलेला ऊ भिन्नमे 100 से भाग देल जा हे ।
- उदाहरण 2. 40% के साधारण भिन्नमे लिखी ।
- हल: 40% = 40/100 = 2/5
३. कौनो वस्तुके भावमे x % वृद्धि हो जायेपर, ई मद पर खर्च न बढ़े एकराला वस्तुके खपतमे कमी = [x/(x+100)] * 100
| 100% | 90% | 80% | 75% | 70% | 66.(6)% | 60% | 50% | 40% | 33.(3)% | 30% | 25% | 20% | 15% | 12.5% | 10% | 5% | 2% | 1% | 0.5% |
| 1⁄1 | 9⁄10 | 4⁄5 | 3⁄4 | 7⁄10 | 2⁄3 | 3⁄5 | 1⁄2 | 2⁄5 | 1⁄3 | 3⁄10 | 1⁄4 | 1⁄5 | 3⁄20 | 1⁄8 | 1⁄10 | 1⁄20 | 1⁄50 | 1⁄100 | 1⁄200 |
|---|
अन्य प्रणाली
[सम्पादित करथिन | स्रोत सम्पादित करथिन]विभिन्न स्थितिमे कौनो अनुपातके व्यक्त करके अलग-अलग तरीका अपनावल जा हे । प्रतिशतमे अनुपातके आधार (हर) १०० होवहे । एही प्रकार १०००, १ लाख, या १० लाखके आधारो मानकर अनुपातके व्यक्त करेके प्रथा हे । यदि १० लाख लोगमे से ७ लोग कौनो रोगसे पीड़ित हथ त कहल जा हे कि ऊ रोगसे विश्वके ७ पीपीएम (parts per million) लोग पीड़ित हे ।
बाहरी कड़ी
[सम्पादित करथिन | स्रोत सम्पादित करथिन]- Express learning - percentages BBC raw money