बिहारीभाषा

बिहारी
जाति:	बिहारी (वासीनाम)
भौगोलिक बिस्तार:	भारत आउ नेपाल
भाषा बर्गीकरण:	हिन्द-यूरोपीय हिन्द-इरानीय हिन्द-आर्य प्राच्य बिहारी
उपबर्ग:	अङ्गिका कुम्हालि थार्विक दनुवार बज्जिका बोते-दरै भोजपुरी मगही मैथिली सादनिक
आईएसओ ६३९-२ व ६३९-५:	bih

बिहारी हिन्द-आर्यभाषाके एगो समूह हे । बिहारीभाषा मुख्यरूपसे भारतीय राज्य बिहार, झारखण्ड, पच्छिमबङ्गाल आउ उत्तरप्रदेस आउ नेपालोमे बोलल जाहे । बिहारीसमूहके सबसे अधिक बोले जायेवाला भाषा भोजपुरी, मगही आउ मैथिलीभाषा हथ ।

ई सब भाषाके बोलेवालाके बड़सङ्ख्याके बावजूदो भारतमे खाली मैथलियेके संवैधानिक मान्यता प्राप्त हे, जेकरा २००३ मे भारतके संविधानमे ९२मा संशोधन (२००४ मे सहमति) के माध्यमसे संवैधानिक दर्जा प्राप्त होएल हल । नेपालमे मैथिली आउ भोजपुरीके संवैधानिक मान्यता प्राप्त हे ।

हिन्दी बिहारराज्यमे शैक्षिक आउ अधिकारिक बिषयमे प्रयोग करल जायेवाला भाषा हे । ई सब भाषाके १९६१ के जनगणनामे सर्वव्यापी पदनाम हिन्दीके तहत बैधानिक रूपसे समाहित कर लेल गेलै । ऐसन राज्य आउ राष्ट्रिय राजनीति भाषासङ्कटके स्थिति पैदा करहे । स्वतन्त्रताके बाद, राजभाषा अधिनियमद्वारा हिन्दीके एकमात्र अधिकारिक दर्जा देल गेलै, १९८१ मे हिन्दीके बिहारके एकमात्र अधिकारिकभाषाके रूपमे बिस्थापित कर देल गेलै, जखनि उर्दूके दोसर अधिकारिकभाषाके रूपमे मान्यता देल गेलै ।

वक्ता

अविश्वसनीय स्रोतके चलते बिहारीभाषा बोलेवालाके सङ्ख्या बतावल कठिन हे । नगरीक्षेत्रमे अधिकांश शिक्षितभाषी हिन्दीके अपन भाषा कहहथ काहेकि ओखनी औपचारिक सन्दर्भमे एकर प्रयोग करहथ आउ अज्ञात कारणसे एकरा उचित मानहथ । क्षेत्रके शिक्षित आउ नगरी जनसङ्ख्या अपनभाषाके सामान्यतः नाम हिन्दी बतावहे ।

वर्गीकरण

बिहारीभाषाके चार भाषा-उपसमूहमे बर्गीकृत कैल गेलहे -

• बिहारी
  • भोजपुरिक
    • भोजपुरी
    • कैरेबीय हिन्दुस्थानी
  • मगही
    • खोरठा
  • मैथिली
    • बज्जिका (पच्छिमी मैथिली)
    • अङ्गिका (छिका-छिकी)
    • मध्य मैथिली (सोतिपुरा)
    • दक्खिन मानकमैथिली
    • पुर्बी मैथिली
    • ठेठी
    • जोलहा
    • किसन
  • सादनिक
    • सादरी (नागपुरी)
    • कुड़मालि (पञ्चपरगनिया)
  • थार्विक
    • चित्विनिया थारु
    • दङ्गौरा थारु
    • सोनहा
    • कथोरिया थारु
    • कोचिला थारु
    • राणा थारु
    • बुक्सा
    • माझी
    • मुसासा
  • अवर्गीकृत बिहारी
    • कुम्हालि
    • कुस्वारिक
      • दनुवार
      • बोते-दरै

भाषा आउ बोली (उपभाषा)

भाषा	आइएसओ ६३९-३	लिपि	वक्ताके सङ्ख्या	भौगोलिक वितरण
अङ्गिका	anp	देवनागरी; पूर्ब कैथी; अङ्गलिपि	७,४३,६००	पूर्वबिहार, पूर्बोत्तर झारखण्ड, पच्छिमबङ्गाल आउ पूर्ब मधेश
कुड़मालि (पञ्चपरगनिया)	kyw, tdb	देवनागरी; कदाचित्‌ बङ्गला, कैथी	५,५६,८०९	दक्खिन-पूर्ब झारखण्ड, पच्छिमबङ्गाल, उत्तर-ओड़िशा, असम
कुम्हालि	kra	देवनागरी	१२,०००	नेपाल
खोरठा	–	देवनागरी; पूर्ब तिरहुता	८०.४ लाख	दक्खिन बिहार, पूर्बोत्तर आउ उत्तर-मध्य झारखण्ड
थारु	thl, tkt, thr, the, thq, tkb, soi	देवनागरी	१९ लाख	नेपालदेसके तराई-क्षेत्र, उत्तरप्रदेस आउ बिहार
बज्जिका	–	देवनागरी; पूर्ब तिरहुता; कैथी	८७,३८,०००	उत्तर-मध्य बिहार आउ पूर्ब मधेस
भोजपुरी	bho	देवनागरी; पूर्ब कैथी	५,२२,४५,३००	फिजी देशमे अधिकारिकभाषा (फिजी हिन्दी) आउ झारखण्ड (अतिरिक्त) भारतमे – पच्छिम बिहार, पूर्ब उत्तरप्रदेस, उत्तर-पच्छिम झारखण्ड, उत्तर छत्तीसगढ़, पूर्बोत्तर मध्यप्रदेस आउ मध्य मधेस
मगही	mag	देवनागरी; पूर्ब तिरहुता; कैथी, सिद्धम्	१,४०,३५,६००	दक्खिन बिहार, उत्तरझारखण्ड
मैथिली	mai	देवनागरी; पूर्ब तिरहुता, कैथी	३,३८,९०,०००	उत्तर आउ पूर्ब बिहार, झारखण्ड, आउ पूर्ब मधेस
सादरी (नागपुरी)	sck	देवनागरी; पूर्ब कैथी	५१ लाख	पच्छिमी-मध्य झारखण्ड, पूर्बोत्तर छत्तीसगढ़, उत्तर-पच्छिम-ओड़िशा

सम्बन्धित लेख

• हिन्द-आर्यभाषा
• भारतके भाषा
• भारतके आधिकारिकभाषा
• भाषापरिवारके सूची
• मातृभाषा वक्ताके सङ्ख्याके अनुसार भाषाके सूची