भारतमे बौद्धधर्मके पतन
_(14487936463).jpg)
भारतमे बौद्धधर्मके जनम ईसा पूर्व छठा शताब्दीके होलै हल किन्तु कालक्रममे भारतसे बौद्धधर्म लगभग समाप्त हो गेलै जखनिकि विश्वके अन्य भागमे बौद्धधर्मके प्रसार एवं विकास होवित रहलै हे । भारतमे बौद्धधर्मके पतन आश्चर्यजनक लग है, विशेषतः तखनि जखनि विश्वके अन्य भागमे बौद्धधर्म बचल रहलै या ओकर प्रसार होलै । तैयो भारतमे बौद्धधर्मके पतनके अनेक कारण गिनावल जा है जेकरामे से प्रमुख कारण निम्नलिखित है -
(१) हिन्दुधर्ममे सुधार : हिन्दुधर्ममे असङ्ख्य देवी-देवता हथिन । अतः ऊ गौतम बुद्धोके अवतार मानके उनको पूजा अर्चना शुरू कर देल । इनकर कुछ सिद्धान्त जैसे सत्य आउ अहिंसाके ग्रहण कर लेलन । ब्राह्मण एवं हिन्दु विद्वानके समय पर चेत जाएके कारण हिन्दुधर्मके विघटन रुक गेलै । जे लोग हिन्दुधर्म छोड़के चल गेलन हल ओकरा ऊ पुनः स्वीकार कर लेलन ।
(२) हूणके आक्रमण : बौद्धके अधिकतम हानि हूण द्वारा होलै । ऊ हजारो भिक्षुके मौतके घाट उतार देलन । उनकर मठके खण्डहर बना देल गेलै । तक्षशिला आदि विश्वविद्यालयके आग लगा देलन तथा बौद्ध साहित्यके जरा देल गेलै । ई प्रकारसे पञ्जाब, राजपूताना आउ उत्तर पश्चिमी सीमा प्रान्तसे बौद्धके सफाया हो गेलै हल ।
(३) बौद्धधर्मके विभाजन : कनिष्कके कालमे बौद्धधर्मके विभाजन हीनयान आउ महायानके रूपमे हो गेलै हल । महायान शाखाके मूर्तिपूजाके छूट देल गेलै जेकर फलस्वरूप ढेर लोग फिरसे ई धर्ममे प्रवेश पा लेलन जे पहिले एकरा छोड़ देलन हल ।
(४) बौद्ध मठमे भ्रष्टाचार : मठमे सुख-सुविधाके मिल जाए तथा स्त्रिके भिक्षुणी बनावेके छूट देल जाएके कारण मठमे भ्रष्टाचार फैल गेलै । भिक्षु एवं भिक्षुणी सब धार्मिक कार्यके आड़मे विषय-वासनामे लग गेलन । उनकर चरित्र भ्रष्ट हो गेलै । उनकर सब त्याग, तपस्या आउ आदर्श मट्टीमे मिल गेलै । गौतम बुद्धके उपदेशके भूलाके ओखनी वासनामे लिप्त हो गेलन जेकरासे समाज पर बड़ी बुरा प्रभाव पड़लै ।
(५) राजकीय सहयोग न भेटल : कनिष्कके मृत्युके पश्चात् बौद्धके राजकीय सहयोग भेटल बन्द हो गेलै । गुप्त साम्राज्यके आ जाएके कारण हिन्दुधर्मके बढ़ावा भेटल प्रारम्भ हो गेलै । ओने बौद्धधर्म धनाभावके कारण अधिक दिन तक न चल सकलै ।
(६) बौद्धधर्ममे जटिलता आएल : बौद्ध हिन्दुके ढेर सिद्धान्त ग्रहण कर लेलन हल । जन-साधारणके भाषाके छोड़के ऊ संस्कृतमे साहित्य रचना करे लगलन । अतः ई धर्म जनताके समझसे बाहरे होवे लगलै ।
(७) हिन्दु दार्शनिकके प्रभाव : कुमारिल भट्ट आउ शङ्कराचार्य नियन हिन्दु विद्वानके मैदानमे आ जाएसे बौद्ध विद्वानके दाल गलल बन्द हो गेसै । ओखनी ई सब सिद्धान्तके तर्कके सामने न ठहर पाव हलन ।
(८) राजपूत शक्तिके विस्तार : सतमासे इगारहमा शताब्दी तक पूरा उत्तरीभारतमे राजपूतके सत्ता छा गेलै । राजपूत शक्तिके उपासक हलन । ओखनी अहिंसाके कायरता मान हवन । उनकर मत हलै कि बौद्धमतमे अहिंसाके अर्थ मृत्युके बोलावा देल होव है । अतः अहिंसा आदि सिद्धान्त ताक पर रख देल गेलै । एकरासे बौद्धधर्मके प्रचार कार्य बन्द होवे लगलै आउ ओखनी विदेशमे जाए लगलन ।
(९) मुसलमानके आक्रमण : बारहमा शताब्दीमे महमूद गजनवी आउ अन्य आक्रमणकारी भारत पर आक्रमण कैलक । बौद्धमे ओकर आक्रमणके मुकाबला करेके साहस न हलै । अतः ओखनी या त मू गेलन या निकटवर्ती क्षेत्र जैसे नेपाल, तिब्बत, बर्मा, श्रीलङ्का आदिमे चल गेलन ।
बौद्धधर्मके भारतमे पतनके आन्तरिक कारण आउ बाह्य कारण मे विभाजितो करके देखल जा सक है ।
एकरो देखथिन
[सम्पादित करथिन | स्रोत सम्पादित करथिन]बाहरी कड़ी
[सम्पादित करथिन | स्रोत सम्पादित करथिन]Archived २०२२-१०-०९ at the वेबैक मशीन
Archived २०२२-१०-०३ at the वेबैक मशीन
- बौद्ध धर्म के पतन के कारण (गायत्री परिवार)
- Buddhism: Origin, Spread and Decline - Pankaj Jain, Ph.D.
- बौद्ध धर्म का पतन (चौथी दुनिया)
- Archives of Alexander Berzin: Historical Cultural and Comparative Studies (बौद्ध इतिहास और बौद्ध धर्म एवं इस्लाम के मध्य संपर्क पर चर्चा सहित)
- Revolution and Counter-Revolution in Ancient India by Bodhisattva Dr. B. R. Ambedkar
