यमन

यमन गणराज्य الجمهورية اليمنية
झण्डा कुल चिन्ह
ध्येय वाक्य: अल्लाह, देश, क्रान्ति, एकता
राष्ट्रगान: यमनके राष्ट्रगान
राजधानी आउ सबसे बड़का नगर	साना
आधिकारिकभाषा	अरबी
निवासीनाम	यमनी, यमनियत
सरकार	गणराज्य
• राष्ट्रपति	रशद मोहम्मद अल-अलीमी
• उपराष्ट्रपति	अबदल-रब मन्सूर अल-हादी
• प्रधानमन्त्री	मोइन अब्दुल-मलिक सैद अल-साबरी
• आर्थिक मामलाके उपप्रधानमन्त्री	अबुल करीम इस्माइल अल-अरहाबी
स्थापना
• उत्तरी यमन स्वाधिनता	१ नवम्बर १९१८
• दक्षिणी यमन स्वाधिनता	३० नवम्बर १९६७
• एकीकरण	२२ मई १९९०
क्षेत्रफल
• कुल	(49मा)
• जलक्षेत्र (%)	नगण्य
जनसङ्ख्या
• 2008 आकलन	23,013,376 (51मा)
• 2007 जनगणना	2,22,30,531
जिडिपि (पिपिपि)	2008 प्राक्कलन
• कुल	$55.433 अरब (-)
• प्रतिव्यक्ति	$2,412 (-)
जिडिपि (साङ्केतिक)	2008 प्राक्कलन
• कुल	$27.151 अरब
• प्रतिव्यक्ति	₹97,804.69 ($1,181) (१७५)
माविसू (2013)	0.500 निम्न · १५४मा
मुद्रा	यमनी रियाल (﷼) (YER)
समय मण्डल	युटिसि+3
दूरभाष सङ्केत	967
इण्टरनेट टिएलडि	.ye

यमन (अरबी: اليَمَن, अल-यमन), आधिकारिक रूपे यमन गणराज्य (अरबी: الجمهورية اليمنية, अल-जम्हूरिया अल-यमन) मध्यपूर्वके एक देश हे जे अरब प्रायद्वीपमे दक्षिणपश्चिममे स्थित हे । २ करोड़ जनसङ्ख्या वाला देश यमनके सीमा उत्तरमे साउदी अरब, पश्चिममे लाल सागर, दक्षिणमे अरब सागर आउ अदनके खाड़ी आउ पूर्वमे ओमानसे लगहे । यमनके भौगोलिक सीमामे लगभग २०० से अधिक द्वीपो सम्मिलित हे जेकरामे सोकोत्रा द्वीप सबसे बड़ हे ।

परिचय

यमन अरब प्रायद्वीपके दक्षिणपश्चिमी कोना पर स्थित एक स्वतन्त्र राष्ट्र हे । एकर खाली तीन अङ्कित सीमा हे आउ पूरुब दने निर्घारित नै हे । पश्चिमी सीमा पर ३०० मीलके लम्बाईमे लाल सागर फैलल हे । ई एक पहाड़ी देश हे । एकर उतरपूर्वमे रूब-एल-खाली मरूस्थल हे । एहाँ ४,००० से १००० फुट ऊँचा उपजाऊ पठारो हे । एहाँ ढेर नदी बहहे जेकरामे उतरमे वादी नजरान आउ दक्षिणमे रुब अल-खाली एवं हदरामौत बहहे । एहाँ जनवरीके ताप १४० डिग्री से० आउ गरम जून मासके ताप २२ से० रह हे । उच्च प्रदेश पर १६ इञ्च वर्षा होव हे । एहाँ धूलके तूफान अधिक चलल करहे । वनस्पतिमे बबूल, खजूर आउ फलके पेड़ प्रमुख हे । यद्यपि एहाँ शुष्क वन अधिक भेटहे तैयो ऐल्पाइन गुलाब, बालम (गुलमेन्हदी) आउ तुलसीके पौधा पठर आउ वादीके किनारे भेटहे । जीवजन्तुमे बबून, हिरण, तेन्दुआ, पहाड़ी खरगोश आदि प्रमुख हे । पक्षीमे गिद्ध, सारस, बगुला, तोता, धनेश, चटखोरा आदि भेटहे ।

एहाँके राजधानी साना हे । अन्य प्रमुख नगर ताइज, अल-हुदैदाह, बैत अल-फकीह हे । अरबी एहाँके प्रमुख भाषा हे । एहाँके धर्म इस्लाम हे । खाली ५% भूमि पर कृषि कैल जा हे । उच्च प्रदेश प्रमुख कृषिस्थल हे । शुष्क कृषिमे कॉफीके स्थान अतिप्राचीन कालसे प्रमुख हे । काट के पैदावार तेजीसे कॉफीके स्थान लेइत हे । फलमे सेब, खूबानी, केला, ढेर प्रकारके अङ्गूर, नीबू, आडू, नारङ्गी आउ ढेर प्रकारके तरबूजा अधिक उगावल जा हे । बेदाम आउ अन्य काष्ठफलो उग हे । जौ, जई, कम्मा, ज्वार, बाजरा, धान, तिल आउ सोरघमके खाद्यान्नमे प्रमुख स्थान हे । पठार आउ समुद्रीतट पर गेहूमो उगावल जा हे । खनिजोमे नून आउ चूना पत्थरके स्थान प्रमुख हे ।