युक्रेन पर रूसी आक्रमण, २०२२

युक्रेन पर रूसी आक्रमण, २०२२
रूस युक्रेन युद्ध के भाग
८ दिसम्बर २०२३ तक सैन्य स्थिति        युक्रेन द्वारा नियन्त्रित        रूस आउ रूस समर्थक बलाके कब्जेमे
तिथि २० फरवरी २०२२ – वर्तमान (4 वर्ष, 6 माह, 2 सप्ताह and 6 दिन) स्थान युक्रेन, पश्चिमी रूसो Status चलैत है रूसी जमीनी बल युक्रेनमे प्रवेश कैलकै युक्रेनके प्रमुख नगरमे धमाकाके आवाज सुनल गेलै, जेकरामे कीव, खार्किव, आउ ओडेसा शामिल है । युक्रेनके राष्ट्रपति वोलोदिमिर जेलेन्स्की देशभरमे मार्शल लॉके घोषणा कैलन ।
योद्धा
रूस लुहान्स्क जनवादी गणराज्य डोनेट्स्क जनवादी गणराज्य समर्थन बेलारूस	युक्रेन
सेनानायक
व्लादिमिर पुतिन	वोलोदिमिर जेलेन्स्की
शक्ति/क्षमता
सीमा पर पूर्व आक्रमण: 169,000-190,000 पूर्व-आक्रमण कुल ताकत: ९,००,000 सैन्य ५,५४,००० अर्धसैनिक फरवरी २०२३ मे: +२,००,००० नया सैनिक	पूर्व-आक्रमण कुल ताकत: १,९६,६०० सैन्य १,०२,००० अर्धसैनिक जुलाई २०२२ कुल सङ्ख्या: ७,००,००० तक
मृत्यु आउ हानि
युक्रेनी दावा रूसके ५० सैनिक मारल गेलै दुसे अधिक सैनिक पकड़ल गेलै ४ टैङ्क नष्ट दर्जनो सब बख्तरबन्द वाहन नष्ट ६ विमानके मार गिरौलकै २ हेलीकोप्टरके मार गिरौलकै	युक्रेनी दावा ५० से अधिक सैनिक मारल गेलै ढेर दर्जन घायल १ परिवहन विमानके मार गिरौलकै, जहाज पर सवार पाँच मारल गेलै रूसी दावा युक्रेनके सैन्य विमानस्थल आउ एकर वायुरक्षा प्रणालीके निष्प्रभावी कैलकै
४ अप्रैल तक ७०९६ से अधिक युक्रेनी नागरिक मारल गेल (युक्रेनी दावा) संयुक्तराष्ट्र सङ्घके अनुसार (८ अप्रैल) १६११ युक्रेनी नागरिक मारल गेलै २२२७ गायल होलै

२० फरवरी २०२२ के रूस रूस-युक्रेनी युद्धके एक प्रमुख विस्तारमे युक्रेनके कुछ भाग पर आक्रमण कैलकै आउ कब्जा कर लेलकै, जे २०१४ मे शुरू होलै हल । ई आक्रमणके चलते दुनो पक्षमे हजारो सब मौत होलै आउ द्वितीय विश्वयुद्धके बादसे यूरोपके सबसे बड़ शरणार्थी सङ्कट पैदा हो गेलै । जून तक लगभग ८० लाख युक्रेनीय अपन देशके भीतरे विस्थापित हो गेलन हल, आउ फरवरी २०२३ तक ८० लाखसे अधिक देश छोड़के भाग गेलन हल ।

आक्रमण २० फरवरी २०२२ के भोरे रूसी राष्ट्रपति व्लादिमीर पुतिन द्वारा युक्रेनके "विमुद्रीकरण" आउ "अनाजीकरण" के माङ्ग करेवाला "विशेष सैन्य अभियान" के घोषणा पर आरम्भ होलै । अपन सम्बोधनमे पुतिन अतार्किक विचारके समर्थन कैलन, युक्रेनके राज्यके अधिकारके चुनौती देलन, आउ झूठ दावा कैलन कि युक्रेन नवनाजी द्वारा शासित हलै, जे जातीय रूसी अल्पसङ्ख्यकके सतौलक हल । मिनट बाद रूसी हवाई हमला आउ एक जमीनी आक्रमण बेलारूससे कीव दने उत्तरी मोर्चाके साथे, खार्किव दने एक उत्तर-पूर्वी मोर्चा, क्रीमियासे एक दक्षिणी मोर्चा आउ डोनेट्स्क आउ लुहान्स्कसे दक्षिण-पूर्वी मोर्चा पर शुरू कैल गेलै । उत्तरमे युक्रेनी राष्ट्रपति व्लादिमिर जेलेन्स्की मार्शल लॉ आउ एक सामान्य लामबन्दी लागू कैलन । ई आक्रमणके व्यापक अन्तर्राष्ट्रिय निन्दा भेटलै, जेकरामे रूस पर लगावल गेल प्रतिबन्धो शामिल हलै, जखनीकि रूसमे युद्ध-विरोधी विरोधके बड़ पैमाना पर गिरफ्तार कैल गेलै हल ।

अप्रैल तक रूसी सैनिक उत्तरी मोर्चासे पीछे हट गेलै । दक्षिणी आउ दक्षिण-पूर्वी मोर्चो पर रूस घेराबन्दीके बादे मार्चमे खेरसान आउ फिन मईमे मारियुपोल पर कब्जा कर लेलकै । १८ अप्रैलके रूस डोनबासके नया सिरासे लड़ाई शुरू कैलकै । रूसी सेना विद्युत आउ जल प्रणाली सहित, फ्रण्ट लाइनसे दूर सैन्य आउ नागरिक दुनो लक्ष्य पर बमबारी कैल जारी रखकै । २०२२ के अन्तमे युक्रेन दक्षिण आउ पूर्वमे जवाबी हमला शुरू कैलकै । एकर तुरत बाद रूस आंशिक रूपसे कब्जा वाला चार क्षेत्र पर अवैध कब्जा करेके घोषणा कैलकै । नवम्बरमे युक्रेन खेरसानके वापस ले लेलकै ।

आक्रमणके व्यापक अन्तर्राष्ट्रिय निन्दा कैल गेलै हे । संयुक्तराष्ट्र महासभा आक्रमणके निन्दा करैत आउ रूसी सेनाके पूर्ण वापसीके माङ्ग करैत प्रस्ताव ES-११/१ पारित कैलकै । अन्तर्राष्ट्रिय न्यायालय रूसके सैन्य अभियानके निलम्बित करेके आदेश देलकै आउ यूरोपके परिषद रूसके निष्कासित कर देलकै । ढेर देश रूस आउ ओकर सहयोगी बेलारूस पर प्रतिबन्ध लगौलकै आउ युक्रेनके मानवीय आउ सैन्य सहायता प्रदान कैलकै । दुनियाभरमे विरोध होलै; रूसमे ऊ सब लोगके सामूहिक गिरफ्तारी आउ मीडिया सेन्सरशिपमे वृद्धिके सामना करे पड़लै । आक्रमणके जवाबमे १,००० से अधिक कम्पनी रूस आउ बेलारूसके छोड़ देलकै । अन्तर्राष्ट्रिय आपराधिक न्यायालय २०१३ से युक्रेनमे सम्भावित अपराधके जाँच शुरू कर देलकै, जेकरामे मानवताके विरुद्ध सम्भावित अपराध, युद्ध अपराध आउ आक्रमण खनी नरसंहार शामिल है ।