युग

हिन्दु ग्रन्थमे एक युगचक्रमे चार युग (विश्व युग) के वर्णन कैल गेलै हे - सतयुग, त्रेतायुग, द्वापरयुग आउ कलियुग - जने पहिला युगसे शुरू होके प्रत्येक युगके लम्बाई एक-चौथाई कम हो जा है (२५%), ३:३:२:१ के अनुपात दे है । प्रत्येक युगके एगो मुख्य अवधि (उर्फ) के रूपमे वर्णित कैल गेलै हे । ई वस्तुतः सत्ययुग, त्रेतायुग, द्वापरयुग आउ कलियुग, ई चार धार्मिक युगमे से कौनो एक युगके बतावेला प्रयुक्त होवहे । चारो युगके चक्रके चतुर्युग कहल जा हे ।

सन्दर्भके अनुसार ई एगो मौसम, पीढी, राजाके काल, कल्प (ब्रह्माके दिवस) निर्माणके अवस्था (प्रकट, अनुरक्षण, अव्यक्त) या १,००० वर्षके अवधिके उल्लेख कर सकऽ है ।

युग आदिके परिमाण

मुख्य लौकिक युग सत्य (उकृत), त्रेता, द्वापर आउ कलि नामसे चार भागमे (चतुर्धा) विभक्त है । ई युगके आधारे पर मन्वन्तर आउ कल्पके गणना कैल जा है । ई गणनाके अनुसार सत्य आदि चार युग सन्ध्या (युगारम्भके पहिलेके काल) आउ सन्ध्यांश (युगान्तके बादके काल) के साथे १२००० वर्ष परिमित होवऽ है । चार युगके मान ४८०० + ३६०० + २४०० + १२०० = १२००० वर्ष है ।

४८०० × ३६० = १७२८००० दिव्य सतयुग, ३६०० × ३६० = १२९६००० दिव्य त्रेतायुग, २४०० × ३६० = ८६४००० दिव्य द्वापरयुग, १२०० × ३६० = ४३२००० दिव्य कलियुग ।

युगके ई परिमाण दिव्य वर्षमे है । दिव्य वर्ष = ३६० मनुष्य वर्ष है; अतः १२००० x ३६० = ४३,२०,००० वर्ष चतुर्युगके मानुष परिमाण होलै । तदनुसार सत्ययुग = १७२८०००; त्रेता = १२९६०००; द्वापर = ८६४०००; कलि = ४३२००० वर्ष है । ईद्दश १००० चतुर्युग (चतुर्युगके युगो कहल जा है) से एक कल्प मने ब्रह्माके आयु १०० वर्ष है । ७१ दिव्ययुगसे एक मन्वन्तर होवऽ है ।

एकरो देखथिन

• भूवैज्ञानिक कालगणना
• युग (भौमिकी)
• युग वर्णन - विभिन्न युगके विशेषता