रैखिक बीजगणित
रैखिक बीजगणित गणितके एक शाखा हे जे सदिश आकाश (भेक्टर स्पेस) आउ ऊसभ आकाशके बीच रैखिक प्रतिचित्रणसे सम्बन्धित हे ।
रैखिक बीजगणितके आरम्भ अनेक अज्ञात राशिवाला युगपत समीकरणके हलसे भेल । ऐसन समीकरण प्रायः मेट्रिक्स आउ सदिशके प्रयोग करके निरूपित कैल जाहे ।
शुद्ध गणित आउ अनुप्रयुक्त गणित दुनहुँमे रैखिक बीजगणितके केन्द्रीय भूमिका हे । कलन आउ रैखिक गणितके सम्मिलित प्रयोगसे रैखिक अवकल समीकरण हल कैल जाहे । रैखिक बीजगणितके तकनीक (विधि) वैश्लेषिक ज्यामिति, अभियान्त्रिकी, भौतिकशास्त्र, प्राकृतिक विज्ञान, सङ्गणक विज्ञान, कम्प्यूटर एनिमेशन आउ सामाजिक विज्ञान (मुखयतः अर्थशास्त्र) मे प्रयुक्त होवहे । रैखिक बीजगणितके सिद्धान्त आउ विधि अत्यन्त विकसित हे । एहीला अरैखिक गणितीय मॉडलोके भी कखनियो-कखनियो सन्निकट रैखिक मॉडलसे निरूपित कर देल जाहे जेकरासे ओकरा हल करेमे सुविधा हो जाहे ।