लन्दन

लन्दन Londoncode: en is deprecated
महानगर
ऊपरेसे दक्षिणावर्त: लन्दन नगरके गगनचुम्बी भवन, ट्राफलगर स्क्वायर, लन्दन नयन, टावर ब्रिज आउ एलिजाबेथ टॉवरके सामने लन्दन अण्डरग्राउण्डके एक राकेल
निर्देशाङ्क: 51°30′26″N 0°7′39″W
सर्वसत्ताक राज्य	संयुक्ताधिराज्य
देश	इङ्ग्लैण्ड
क्षेत्र	बृहद् लन्दन
रोमन द्वारा स्थापित	४३ ई (लोंड़िनियम्)
काउण्टी	लन्दन नगर आउ बृहद् लन्दन
जिला	लन्दन नगर आउ ३२ नगर
सरकार
• प्रकार	नियोजित प्राधिकारी
• अङ्ग	बृहद् लन्दन प्राधिकरण
• निर्वाचित निकाय	लन्दन विधानसभा
• महापौर	सादिक खान
क्षेत्रफल
• बृहद् लन्दन	1,572 किमी2 (607 वर्ग मील)
• नगरीय	1,737.9 किमी2 (671.0 वर्ग मील)
• महानगरीय	8,382 किमी2 (3,236 वर्ग मील)
उन्नतांश	35 मी (115 फीट)
जनसङ्ख्या  (2016)
• बृहद् लन्दन	८७,८७,८९२
• घनत्व	5,590/किमी2 (14,500/मील2)
• नगरीय	९७,८७,४२६
• महानगरीय	१,३८,७९,७५७
समयमण्डल	युटिसि+० (ग्रीनविच माध्य टाइम)
• ग्रीष्मकालीन (दि॰ब॰स॰)	यूटीसी+१ (ब्रिटिश ग्रीष्मकालीन समय)
डाक कोड क्षेत्र	22 क्षेत्र साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode, साँचा:Postcode (साँचा:Postcode, साँचा:Postcode; partially)
क्षेत्रीय सङ्केत	कोड दुरभाष ९ क्षेत्र 020, 01322, 01689, 01708, 01737, 01895, 01923, 01959, 01992
पुलिस	लन्दन नगर पुलिस आउ महानगरीय पुलिस
अन्तर्राष्ट्रिय विमानस्थल	हीथ्रो नगर बृहद् लन्दनके बाहरे: गैटविक स्टैण्डस्टेड ल्यूटन साउथएण्ड
जालस्थल	London.gov.uk

लन्दन (अङ्ग्रेजी: Londoncode: en is deprecated ) संयुक्ताधिराज्य आउ इङ्ग्लैण्डके राजधानी आउ सबसे अधिक जनसङ्ख्या वाला नगर हे । बृहद् ब्रिटेन द्वीपके दक्खिनपूरुबमे थेम्स नदीके किनारे स्थित, लन्दन पिछलका दु शताब्दीसे एगो बड़ व्यवस्थापन रहल हे । लन्दन राजनीति, शिक्षा, मनोरञ्जन, मीडिया, फेशन आउ शिल्पीके क्षेत्रमे बैश्विक नगरके स्थिति रखहे । एकरा रोमन लोंड़िनियम् के नामसे बसौलन हल । लन्दनके प्राचीन भीत्तरी केन्द्र लन्दन नगरके परिक्षेत्र १.१२ वर्ग मीटर (२.९ किमी²) हे । १९मा शताब्दीके बादसे "लन्दन" के ई भीत्तरी केन्द्रके आसपासके क्षेत्रके मिलाके एक महानगरके रूपमे सन्दर्भित कैल जाए लगलै, जेकरामे मिडलसेक्स, एसेक्स, सरे, केण्ट आउ हर्टफोर्डशायर आदि सम्मिलित हे । जेकरा आज बृहद् लन्दन नामसे जानल जा हे एवं लन्दन महापौर आउ लन्दन विधानसभा द्वारा शासित हे ।

लन्दनमे लोग आउ संस्कृतिके विविधता हे आउ ई क्षेत्रमे ३०० से अधिक भाषा बोलल जा हे । एकर २०१५ के अनुमानित नगरपालिका जनसङ्ख्या (बृहद् लन्दनके समरूपी) ८६,७३,७१३ हलै जेकि यूरोपीय सङ्घके कौनो नगरसे सबसे बड़ आउ संयुक्ताधिराज्यके जनसङ्ख्याके १२.५% भाग हे । २०११ के जनगणना अनुसार ९७,८७,४२६ के जनसङ्ख्याके साथे लन्दनके नगरी क्षेत्र पेरिसके बाद यूरोपीय सङ्घमे दोसर सबसे अधिक जनसङ्ख्या वाला हे । नगरके महानगरीय क्षेत्र यूरोपीय सङ्घमे १,३८,७९,,७५७ जनसङ्ख्याके साथे सबसे अधिक जनसङ्ख्या वाला हे जखनिकि बृहद् लन्दन प्राधिकरणके अनुसार नगरी-क्षेत्रके जनसङ्ख्या २,२७ करोड़ हे । १८३१ से १९२५ तक लन्दन विश्वके सबसे अधिक जनसङ्ख्या वाला नगर हलै ।

लन्दनमे चार विश्व धरोहर स्थल हे: टावर ऑफ लण्डन, किउ गार्डन, वेस्टमिन्स्टर पैलेस, वेस्ट्मिन्स्टर एबी आउ सेण्ट मार्गरेट्स चर्च क्षेत्र एवं ग्रीनविच ग्रीनविच वेधशाला (जेकरामे शाही वेधशाला, ग्रीनविच प्राइम मेरिडियन, ० डिग्री रेखाङ्कित आउ जिएमटि के चिह्नित करहे ) । अन्य प्रसिद्ध स्थलमे बकिङ्घम महल, लन्दन नयन, पिकैडिली सर्कस, सेण्ट पॉल कैथेड्रल, टावर ब्रिज, ट्राफलगर स्क्वायर आउ द शर्ड आदि सम्मिलित हे । लन्दनमे ब्रिटिश सङ्ग्रहालय, नेशनल गैलरी, प्राकृतिक इतिहास सङ्ग्रहालय, टेट मॉडर्न, ब्रिटिश पुस्तकालय आउ वेस्ट एण्ड थिएटर सहित ढेर सङ्ग्रहाल, दीर्घा, पुस्तकालय, खेल आयोजन आउ अन्य सांस्कृतिक संस्थाके घर हे । लन्दन अण्डरग्राउण्ड दुनियाके सबसे पुरान भूमिगत रेल हे ।

नामकरण

लन्दन नामके व्युत्पत्ति अनिश्चित हे । ई एक प्राचीन नाम हे जेकरा दोसर शताब्दीके स्रोतमे पाएल गेलै हे । ई लोंड़िनियम् (अर्थात् "लन्दनमे") के नामसे १२१ ई मे पाएल गेलै हे जे रोमानो-ब्रिटिश मूलके इङ्गित करहे आउ नगरमे पाएल गेल ६५/७०-८० ईस्वी के ढेर हस्तलिखित रोमन सिलालेखमे लोंड़िनियं शब्द सम्मिलित हे ।

एकरो देखी

• ब्रिटिश साम्राज्य
• यूरोप