वियनतियान

वियनतियान ວຽງຈັນ
राजधानी
देश	साँचा:देश आँकड़ा लाओस
विभाग	वियनतियान प्रशासितक्षेत्र
स्थापना	९मा शताब्दी
क्षेत्रफल
• कुल	3,920 किमी2 (1,510 वर्ग मील)
उन्नतांश	174 मी (571 फीट)
जनसङ्ख्या  (२०१३ अनुमान)
• कुल	७,८३,०००
• घनत्व	200/किमी2 (520/मील2)

वियनतियान (लाओ: ວຽງຈັນ, व्यिञ्चन) दक्षिणपूर्व एसियाके लाओस देशके राजधानी आउ सबसे बड़ नगर हे । ई देशके पश्चिमोत्तरी भागमे मेकाङ्ग नदीके किनारा पर स्थित हे जे ई स्थान पर लाओसके थाइलैण्डके साथ अन्तर्राष्ट्रिय सीमो निर्धारित करहे ।

नामोपत्ति

"व्यिञ्चन" के नाम बौद्धधर्मके धार्मिकभाषा पालिसे उत्पन्न भेलै हे जे एक हिन्द-आर्य भाषा हे । एकरामे "व्यिन्" के अर्थ लाओभाषामे "नगरी" होवहे जखनिकि "चन" के अर्थ संस्कृतके "चन्दन" शब्दसे उभरल मानल जा हे । अर्थात् "व्यिञ्चन" के अर्थ "चन्दनके नगरी" हलै । प्राचीन लाओ शिला-अभिलेखो ई बातके पुष्टि करहे । आधुनिक कालमे ढेर लाओ लोगमे एहु मान्यता हे कि "चन" वास्तवमे संस्कृतके "चन्द्र" शब्दसे उपजल हलै । मने नगरके नामके अर्थ "चन्द्रमाके नगरी" हे । ई एहीला होलै हे काहेकि संस्कृतके "चन्द्र" (लाओमे ຈັນທຣ໌) आउ "चन्दन" (लाओमे ຈັນທນ໌) दुनोके आधुनिक लाओभाषामे संक्षिप्ति उच्चारण "चन" (लाओमे ຈັນ) एही हे । किन्तु ई नगरके प्राचीन थाइभाषा स्रोत "เวียงจันทน์" आउ कम्बोडियाके ख्मेरभाषा स्रोत "វៀងចន្ទន៍" लिखकै हे, जे दुनोके अर्थ "चन्दन" होवहे । एहीसे "चन्दनके नगरी" एही सम्भवतः उचित अर्थ हलै ।

लाओस पर १९मा आउ २०मा शताब्दीमे फ्रान्सिसी उपनिवेश राज हलै आउ रोमन लिपिमे एहाँके स्थानीय नामके फ्रान्सिसीभाषामे लिखे-पढ़ेमे आसानी रखेला लिखल जाए लगलै । उदाहरणला फ्रान्सिसीमे 'च' के ध्वनि कठिन हे आउ ई कारणवश ओकर स्थान पर 'त' (t) लिखल जाए लगलै ।