शेखपुरा

शेखपुरा
नगर
शेखपुरा बिहारमे स्थिति
निर्देशाङ्क: 25.14°N 85.85°E / 25.14; 85.85
देश	भारत
राज्य	बिहार
जिला	शेखपुरा जिला
जनसङ्ख्या  (2011)
• कुल	६२,९२७
भाषा
• प्रचलित	हिन्दी, मगही
समयमण्डल	युटिसि+०५:३० (भामस)
पिनकोड	811105
दूरभाष कोड	06341
वाहन पञ्जीकरण	BR-52

सेखपुरा वा शेखपुरा भारतके बिहार राज्यके शेखपुरा जिलामे स्थित एगो नगर हे । ई जिलाके मुख्यालयो हे । ई क्षेत्रके लोग मगहीभाषा बोलहथ ।

इतिहास

शेखपुरा ऐतिहासिक रूपसे बड़ी प्राचीन नगरी है । मानल जा है कि पाण्डव वनवास खन्नि कुछ कालतक एहैँ रहलथिन हल । नगरमे स्थित गिरिहिण्डा पर्वत पर भीमके पत्नी हिडिम्बा देवीके निवास स्थान हलै । ओहाँ आझो प्राचीन शिवमन्दिर है ।

पर्यटक स्थल

शिव मन्दिर गिरिहिण्डा पहाड़के सबसे ऊँच चोटी पर स्थित है, जेकरा बाबा कामेश्वर नाथके मन्दिर के नामसे जानल जा है । एहाँ हर शिवरात्रिके मेला लगहै । ई मेलामे शामिल होवेला अगल बगलके गाँवसे बड़ी भीड़ लगहै । सब लोग अपन परिवारके साथे आवहथिन । जिला प्रशासनके द्वारा जखनि शेखपुराके जिला अधीक्षक आनद किशोर जी हलथिन त एकरा पर्यटक स्थलके रूपमे विकसित करेला एकर चोटी पर बाल उद्यान, कैण्टीन, फब्बारा, हाइ मास्ट लाइट एवं एकर चोटी पर मोटरवाहन द्वारा पहुँचेला २२०० फीट लम्बा पक्का सड़कके निर्माण करावल गेलै हे । एकर चोटीसे नीचे देखे पर अर्घोती पोखर के अत्यन्ते मनोहर प्राकृतिक दृश्य उपस्थित करहै । सामस एहाँके उभरैत मुख्य धार्मिक पर्यटन स्थल है । एहाँ विष्णुपद मन्दिर है । एहाँ प्रत्येक वर्ष कार्तिक पूर्णिमामे मेला लगहै । दह एहाँके छोटा कृत्रिम झील है । दह एक पहाड़ी है । दहके झीलमे नहायेसे शरीरके सब कष्ट दूर हो जा है ।

सम्बन्धित लेख

• जनसङ्ख्या अनुसार बिहारके नगरके सूची
• जनसङ्ख्या अनुसार भारतके नगरके सूची
• शेखपुरा जिला
• बिहार