सोमवार
सोमवार अथवा सोमार सप्ताहके एक दिन हे । ई रविवार (एतवार) के बाद आउ मङ्गलवार (मङ्गर) से पहिले आवहे ।[१] सोमवारके ई नाम सोमसे पड़ल हे जेकर अर्थ भगवान् शिव होवहे । ई सप्ताहके दोसर दिन होवहे, भारत एवं विश्वके ढेर देशमे ई सामान्य कामकाजके प्रथम दिन होवहे एहीसे कहियो कभार एकरा सप्ताहके प्रथम दिनो कहल जाहे ।[२]
सप्ताहमे सात दिन होवहे जे कि क्रमशः सोमवार, मङ्गलवार (मङ्गर), बुधवार (मङ्गर), बृहस्पतिवार (बिहस्पत/बिफे), शुक्रवार (सुक्क), शनिवार (सनिच्चर) आउ रविवार (एतवार) होवहे ।
सोमवार भगवान् शिव आउ चन्द्र देवके दिन होवेके कारण ई दिन भगवान शिव आउ शिव परिवारके पूजा अर्चना कैल जाहे ।[३] ई दिन श्रद्धालु मन्दिरमे जाके भगवान् शिवके प्रतीक शिवलिङ्ग पर जल अर्पित करहथ ।
महिला शीघ्र विवाह आउ मनचाहा वरके प्राप्तिके इच्छासे ई दिन सोमवार व्रत या सोलह सोमवार व्रत बड़ श्रद्धा आउ विश्वाससे रखहथ ।
सोमवारके दिन चन्द्रदेवके दिनो मानल जाहे जे स्वयं भगवान् भोलेनाथके शृङ्गारके रूपमे उनकर माथा पर सुसज्जित हे । यदि कौनोके जन्म कुण्डलीमे चन्द्रग्रह अशुभ स्थितिमे हे त ई दिन भगवान् भोलेनाथके पूजा अर्चनासे ई अशुभतामे कमी आवहे ।
सन्दर्भ
[सम्पादित करथिन | स्रोत सम्पादित करथिन]- ↑ "Monday Meaning". Cambridge Dictionary.
- ↑ "ISO 8601-1:2019(en) Date and time — Representations for information interchange — Part 1: Basic rules". www.iso.org. अभिगमन तिथि 2024-05-14.
- ↑ "monday". Online Etymology Dictionary.
सप्ताहके दिन | |
|---|---|
